ઈમરાનના મોઢે કાશ્મીર શબ્દ આવ્યો કે તરત જ ટ્રમ્પે કહ્યું- તમારા પાડોશી સારા છે

પોતાના દેશની તકલીફો અંગે વાત કરી રહેલા પાકિસ્તાનના વડાપ્રધાન ઈમરાન ખાન વાત કરી રહ્યા હતા. આ દરમિયાન તેમણે કહ્યું કે અફઘાનિસ્તાનમાં સ્થિરતા આવે તો અમારા ત્યાં પણ સ્થિરતા આવશે. બન્ને નેતાઓ વચ્ચે થયેલી બેઠક દરમિયાન થયેલી વાત અંગે પત્રકારોને ઈમરાન ખાન જણાવી રહ્યા હતા ત્યારે તેમણે કહ્યું કે, અમે પાકિસ્તાનના પાડોશી દેશો અંગે પણ વાત કરી. અમારા ત્રણ પાડોશી દેશ અફઘાનિસ્તાન, ભારત અને ઈરાન વિશે ચર્ચા કરી છે. આ વચ્ચે જ ઈમરાનને અટકાવીને અમેરિકાના રાષ્ટ્રપ્રમુખ ડોનાલ્ડ ટ્રમ્પે કહ્યું કે તમારા પાડોશી સારા છે.પત્રકારો સાથે વાત કરતી વખતે ઈમરાન ખાને અફઘાનિસ્તાનમાં સ્થિરતા આવે તેવી વાત કરીને કહ્યું કે, અફઘાનિસ્તાનમાં સ્થિરતા આવે તો પાકિસ્તાનમાં પણ સ્થિરતા આવશે. ઈમરાને આગળ કહ્યું કે, અમે અફઘાનિસ્તાન, ભારત.. કાશ્મીર અને ઈરાક આ ત્રણે દેશોની પરિસ્થિતિઓ અંગે ચર્ચા કરી કારણ કે આ ત્રણ પાકિસ્તાનના પાડોશી દેશો છે. આ ત્રણ દેશો વિશે ઈમરાન ખાન કંઈક કહેવાનો પ્રયાસ કરી રહ્યા હતા ત્યાં જ ડોનાલ્ડ ટ્રમ્પે કહ્યું, તેઓ સારા પાડોશીઓ સાથે રહે છે.મહત્વનું છે કે, કાશ્મીર મુદ્દા માટે મધ્યસ્થી કરવા માટે તત્પરતા બતાવનારા ટ્રમ્પે ભારતની આંતરિક મુદ્દાની સ્પષ્ટતા બાદ બન્ને દેશો આ માટે રાજી હોવાની વાત કરે છે. કાશ્મીર પર મધ્યસ્થતા અંગે ટ્રમ્પે સાફ કર્યું હતું કે આ માટે બન્ને પક્ષો (ભારત-પાકિસ્તાન) રાજી હોવા જોઈએ.