અત્યંત અસરકારક કોરોના વાયરસ એન્ટીબોડીની શોધ, વેક્સીન બનાવવામાં મળશે વેગ

જર્મન સેન્ટર ફોર ન્યૂરોડિજેનેરેટિવ ડિસિઝ (ડીઝેડએનઈ) અને ચેરિટે- યુનિવર્સિટ્સમેડિજિન બર્લિનના વૈજ્ઞાનિકોએ કોરોના વાયરસતી સાજા થયેલા લોકોના લોહીમાંથી લગભગ 600 અલગ-અલગ એન્ટીબોડી લીધી છે. લેબ ટેસ્ટ દ્વારા આ વૈજ્ઞાનિકોએ 600 એન્ટીબોડીમાંથી કોરોના વિરુદ્ધ કેટલીક એક્ટિવ એન્ટીબોડીની ઓળખ કરી છે. ત્યારબાદ વૈજ્ઞાનિકોએ સેલ કલ્ચર્સનો પ્રયોક કરીને આ એન્ટીબોડીનું કૃત્રિમ રીતે નિર્માણ કર્યું છે.

વૈજ્ઞાનિકોએ દાવો કર્યો છે કે લેબમાં કૃત્રિમ રીતે બનાવવામાં આવેલી આ ન્યૂટ્રલાઈઝિંગ એન્ટીબોડી વાયરસને બાંધી દે છે. ક્રિસ્ટલોગ્રાફિક વિશ્લેષણ દ્વારા વૈજ્ઞાનિકોએ જણાવ્યું છે કે આ એન્ટીબોડી માનવ શરીરની કોશિકાઓમાં વાયરસના પ્રવેશ કરવાની અને તેમને વિકસીત કરવાની પ્રક્રિયાને રોકી દે છે. આ ઉપરાંત એન્ટીબોડી દ્વારા વાયરસના ઈમ્યુન સેલ ખતમ કરી દે છે.

વિજ્ઞાનની જાણીતી પત્રિકા જર્નલ સેલમાં પ્રકાશિત આ શોધથી ખબર પડે છે કે કોરોના વાયરસ વિરુદ્ધ આ એન્ટીબોડી અતિસંવેદનશીલ હોય છે. નોંધનીય છે કે ઉંદરોના સેલ્સ માનવ શરીરને મળતા આવે છે. તેથી વૈજ્ઞાનિકોએ આ એન્ટીબોડીને મનુષ્ય ઉપર પણ એટલી જ અસરકારક માનવામાં આવે છે.