બર્નિંગ ટ્રેનઃ અમેરિકાના એરિઝોનામાં પુલ પરથી નીચે ઉતરી માલગાડી, લાગી આગ

એરિઝોનાઃ અમેરિકાના એરિઝોના પ્રાંતના વિસ્તારમાં એક માલગાડી પાટા પરથી ઉતરી ગઈ છે. ટેમ્પે ટાઉન સરોવર પર બનેલા પુલ પર આ દુર્ઘટનાથી પુલનો એક ભાગ પણ પડી ભાંગ્યો છે. આ ઘટનામાં કોઈ જાનહાનિ થયાની સૂચના સામે નથી આવી. બચાવ અને રાહત કાર્ય માટે ફાયર બ્રિગેડ અને પોલીસની અનેક ટીમો લાગેલી છે.

દુર્ઘટનાના કારણોની ખબર નથી પડી
ટ્રેનના પાટા ઉતરી જવાના કારણની ખબર નથી પડી. યુનિયન પેસેફિક ટ્રેનની દુર્ઘટનાનો શિકાર બન્યા પછી ફિનિક્સ તરફ આવતી અને જતી ટ્રેન સેવાને રોકી દેવામાં આવી છે. ટેમ્પે પોલીસે ટ્વીટ કરીને કહ્યું કે ટેમ્પે ટાઉન લેકની પાસે અને શહેર ટેમ્પાના પશ્ચિમમાં અનેક રસ્તાઓ પર આવવા-જવા પર પ્રતિબંધ લગાડવામાં આવ્યાં છે કે, 'મહેરબાની કરીને વિસ્તારમાં જતા બચો'


ટ્રેનમાં લદાયેલા માલની તપાસ કરી રહી છે પોલીસ
સ્થાનિક પોલીસ એ વાતની પણ ભાળ મેળવી રહી છે કે ટ્રેનમાં શું લદાયેલું છે? આગ લાગ્યા પછીથી જ ટ્રેનમાંથી કાળો ધૂમાડો નીકળી રહ્યો છે. આ રેલલાઈન નીચે સ્થિત પાર્કમાં લોકો સાઈકલિંગ અને બોટિંગ કરવા માટે આવતા હતાં. જોકે, દુર્ઘટનાના સમયે પાર્ક ખાલી હતો. જેથી કોઈ જાનહાનિ થઈ નહોતી.

સોમવારે દુર્ઘટનાસ્થળ પાસે થયા હતા પ્રદર્શન
સ્થાનિક મીડિયા અનુસાર, દુર્ઘટનાસ્થળની નજીક સોમવારે જ વિરોધ પ્રદર્શન માટે આશરે 200 લોકો જમા થયા હતાં. આ દરમિયાન હિંસક ભીડને રોકવા અંગે પોલીસ અને પ્રદર્શનકારીઓ વચ્ચે અથડામણ પણ થઈ હતી.