કમલા હેરિસ કરતા મારી પાસે વધારે ભારતીયો છેઃ ડોનાલ્ડ ટ્રમ્પ

સિટી ઓફ ન્યૂયોર્ક પોલીસ બેનવલેન્ટ એસોસિયેશનના સભ્યો સાથેની વાતચીતમાં ટ્રમ્પે કહ્યું હતું કે, જો બિડેન રાષ્ટ્ર પ્રમુખ બનશે તો તે અમેરિકાના પ્રત્યેક પોલીસ વિભાગને ખતમ કરવા માટે કાયદો લાગુ કરશે અને કમલા હેરિસ કદાચ તેનાથી પણ ખરાબ છે. તેઓ ભારતીય મૂળના છે. પરંતુ મારી પાસે વધારે ભારતીયો છે. એટલું જ નહીં ટ્રમ્પે તે પણ કહ્યું હતું કે જો બિડેને હેરિસના બદલે વધારે સુંદર મહિલા એલિઝાબેથ વોરેનની પસંદગી કરવી જોઈતી હતી.

અગાઉ ટ્રમ્પે તે ચર્ચાને પણ ચગાવી છે જેમાં હેરિસને તેમના જન્મના આધારે ઉમેદવારી માટે યોગ્ય ગણાવવામાં આવ્યા નથી. ટ્રમ્પ અગાઉ ભૂતપૂર્વ પ્રમુખ બરાક ઓબામા પર પ્રહાર કરતા હતા. હેરિસ એવા પ્રથમ એશ્વેત અને ભારતીય-અમેરિકન મહિલા છે જેઓ ઉપરાષ્ટ્ર પ્રમુખ પદના ઉમેદવાર છે. હેરિસને લઈને હવે સવાલ ઊભા થયા છે કે ભલે તેઓ અમેરિકામાં જન્મ્યા હોય પરંતુ તેમના માતા-પિતા અમેરિકામાં જન્મ્યા નથી.

કહેવામાં આવી રહ્યું છે કે અમેરિકાના બંધારણ પ્રમાણે હેરિસ પ્રમુખ તથા ઉપરાષ્ટ્ર પ્રમુખના ઉમેદાવ માનવામાં આવી શકે નહીં. ટ્રમ્પનું કહેવું છે કે તેમણે આ અંગે સાંભળ્યું છે કે હેરિસે યોગ્ય નિયમોને પૂરા કર્યા નથી. તેમણે કહ્યું છે કે જેણે તેના પર આર્ટિકલ લખ્યો છે તે ઘણા યોગ્ય વકીલ છે. જોકે, તેમણે કહ્યું છે કે તેમને તે અંગે ખ્યાલ નથી કે હેરિસના જન્મને લઈને જોડાયેલો મુદ્દો શું છે.