42 વર્ષની ઉંમરે પણ 25 વર્ષના યુવાન જેવા ફિટ છે ઋષિ સુનક, બહાર આવ્યું ફિટનેસનું સિક્રેટ

બ્રિટનના નવા વડાપ્રધાન ઋષિ સુનક ફિટનેસ પ્રત્યે ખૂબ જ જાગૃત વ્યક્તિ છે અને તેમની સવારની દિનચર્યા ચોક્કસપણે તેમના સ્વસ્થ જીવનને લઈ પ્રેરણાદાયી છે. હેરી સ્ટેબિંગ્સ સાથેની એક ટ્વેન્ટી મિનિટ વીસી પોડકાસ્ટમાં સુનકે તેમના ચુસ્ત દૈનિક જીવન શૈલી તથા તેમના આહાર સહિતની અનેક માહિતી રજૂ કરી હતી.
સવારે 6-7 વાગ્યા વચ્ચે જાગે છે
સુનાકે પોડકાસ્ટે કહ્યું હતું કે હું સવારે 6-7 વાગ્યા વચ્ચે જાગુ છું, જે મારે જીમમાં એક્સરસાઈઝ કરવા જવા પર આધાર રાખે છે. તેમણે પોતાના વર્ક આઉટ રિજીમ અંગે પણ ખુલાસો કર્યો હતો અને કહ્યું કે તે પોતાની ફિઝીકલ ફિટનેસ કેવી રીતે જાળવી રાખે છે. સુનકે કહ્યું કે તેઓ અમેરિકી ફિટનેસ ઈન્સ્ટ્રક્ચર કોડી રિગસીબીને ફોલો કરે છે. તેઓ લાંબા સમયથી મારા ફેવરાઈટ રહ્યા છે.

તેઓ સમયાંતરે અને નિયમિતપણે ઉપવાસ કરે છે, સવારના નાસ્તામાં દહી, બ્લ્યુબટરીઝ લે છે. ક્યારેક ચોકોલેટ, અથવા ચોકોલેટ ચીપ મફીનનો પણ આહારમાં ઉપયોગ કરે છે.
શનિવાર તથા રવિવારે સંપૂર્ણ રાંધેલું ભોજન લે છે
આ ઉપરાંત સપ્તાહના અંતે સંપૂર્ણ રાંધેલા બ્રેકફાસ્ટનો શનિવાર તથા રવિવારે ભોજનમાં ઉપયોગ કરે છે. તેઓ કહે છે કે અમે પેનકેક્સ અને વેફલ્સની વચ્ચેના વિકલ્પને પસંદ કરી છીએ. અમે અમેરિકી શૈલીમાં બનાવવામાં આવેલ પેનકેક્સ પસંદ કરે છે,જે એકંદરે કુરકુરે હોય છે અને બ્લૂબેરી તથા સ્ટ્રોબેરી સાથે પકવવામાં આવે છે. સામાન્ય રીતે અમારી પાસે પ્રત્યેક સપ્તાહ પેનકેક્સ અથવા વેફલ્સ હોય છે.
42 વર્ષના સૌથી યુવાન PM
તેઓ 42 વર્ષની ઉંમરે સૌથી યુવાન અને સૌ પ્રથમ પર્સન ઓફ કલર છે કે જેઓ વડાપ્રધાન તરીકેનું પદ સંભાળી રહ્યા છે. વડાપ્રધાન તરીકે નામ જાહેર થયું ત્યારબાદ તેમના પ્રથમ સંબોધનમાં સુનકે કહ્યું હતું કે આ તેમના જીવનનો સૌથી મહાન વિશેષાધિકાર છે, અને તેઓ શ્રેષ્ઠ કામગીરી કરવા દિવસ-રાત કામ કરશે.