એક ટ્વિટથી ઈમરાન ખાને કર્યો ભારત સાથે સંવાદનો રસ્તો બંધ

I am Gujarat

ઈમરાને ભારતના નિર્ણયને ગણાવ્યો ‘અહંકારી’

ઉમર ફારુક, નવી દિલ્હી: પાકિસ્તાનના પ્રધાનમંત્રી ઈમરાન ખાને શનિવારે ભારત-પાકિસ્તાનના વિદેશ મંત્રીઓની બેઠક રદ થતા ટ્વિટ કરીને બળાપો કાઢ્યો. ઈમરાને ભારતના નિર્ણયને અહંકારી ગણાવ્યો અને પ્રધાનમંત્રી મોદી તરફ ઈશારો કરતાં કહ્યું કે તેમનામાં દૂરંદેશીનો અભાવ છે. ભારતીય વિદેશ કાર્યાલયે ઈમરાને PM મોદી પર કરેલા ટ્વિટની કોઈ પ્રતિક્રિયા આપવાનો ઈનકાર કર્યો છે, તો બીજી તરફ ઈમરાનની તીખી પ્રતિક્રિયાથી નજીકના ભવિષ્યમાં ભારત-પાકિસ્તાન વચ્ચે કોઈ ઔપચારિક વાતચીત થવાની સંભાવના નબળી પડી છે.

ભારતે પાકિસ્તાન સાથે બેઠક રદ કરી

‘પાકિસ્તાનનો ઈરાદો ખુલ્લો પડ્યો’

નવી દિલ્હીથી ભારતમાં ઠાર કરાયેલા આતંકીઓના વખાણ કરીને પાકિસ્તાને 20 પોસ્ટ ટિકિટ બહાર પાડી છે તે મુદ્દો પણ ઉઠાવાયો. આ સિવાય જમ્મૂ-કાશ્મીરમાં પંચાયતની ચૂંટણી પહેલા વધતી હિંસા પણ દર્શાવે છે કે પાકિસ્તાન સરકારની શાંતિની વાત પાકિસ્તાન આર્મીના એક્શન સાથે મેચ નથી કરતી. ભારતના વિદેશ મંત્રાલયના પ્રવક્તા રવીશ કુમારે શુક્રવારે કહ્યું હતું કે, “વાતચીત પાછળની પાકિસ્તાનની ઈચ્છા ખુલ્લી પડી છે. નવી સરકાર બન્યાના થોડા જ દિવસમાં પ્રધાનમંત્રી ઈમરાન ખાનનો અસલી ચહેરો સામે આવ્યો છે.”

આતંકીઓની પોસ્ટ ટિકિટ પર પાકનો જવાબ

બેઠક રદ થતાં પાકિસ્તાને કહ્યું કે, “BSF જવાનની ‘કથિત’ હત્યા ભારત તરફથી વિદેશી મંત્રીઓ વચ્ચેની બેઠકની જાહેરાતના બે દિવસ પહેલા થઈ હતી.” પાકિસ્તાને સાથે એવી પણ દલીલ કરી કે આતંકીઓની પોસ્ટ ટિકિટ 25 જુલાઈએ થયેલી ચૂંટણી પહેલા બહાર પાડવામાં આવી છે.