નવાઝ શરીફની 8 ભેંસોની હરાજી કરશે ઈમરાન ખાનની સરકાર!

I am Gujarat

નવાઝ શરીફે રાખેલી 8 ભેંસોની હરાજી થશે

પાકિસ્તાન સરકારે પ્રધાનમંત્રી આવાસમાં ભોજન સંબંધિત જરૂરિયાતોને પૂરી કરવા માટે પૂર્વ વડાપ્રધાન નવાઝ શરીફ દ્વારા રાખવામાં આવેલી આઠ ભેંસોની હરાજી કરવાનો નિર્ણય લીધો છે. વડાપ્રધાન ઈમરાન ખાનના એક નજીકના સહયોગીએ આ વાત જણાવી. અસલમાં ખરાબ અર્થવ્યવસ્થાથી ઝઝૂમી રહેલી ઈમરાન ખાનની સરકાર વ્યર્થ ખર્ચથી બચવા માટેનું અભિયાન ચલાવી રહી છે.

80 લક્ઝુરિયસ કાર્સ પણ વેચશે ઈમરાન સરકાર

આ અભિયાન અંતર્ગત 80થી વધુ આલીશાન કારોની પણ હરાજી કરવામાં આવશે. વડાપ્રધાનના રાજકીય મુદ્દાઓના વિશેષ સહાયક નઈમ ઉલ હકે કહ્યું કે, સરકાર વડાપ્રધાન આવાસમાં રહેલા આલીશાન કારોની હરાજી કરશે. તે કેબિનેટ ડિવિઝનમાં ઉપયોગમાં ન લેવાઈ રહેલા ચાર વધારા હેલિકૉપ્ટર્સને પણ વેચશે.

સંભવિત ખરીદદારોને તૈયાર રહેવા કહેવાયું

પાકિસ્તાન તહરિક-એ-ઈન્સાફ(PTI)ના વરિષ્ઠ નેતાએ મંગળવારે ટ્વીટ કરીને કહ્યું કે, પૂર્વ વડાપ્રધાન નવાઝ શરીફ દ્વારા PM હાઉસમાં રાખવામાં આવેલી 8 ભેંસો વેચવામાં આવશે. તેમણે આના માટે સંભવિત ખરીદદારોને તૈયાર રહેવા માટે કહ્યું છે.

આર્થિક તંગીનો સામનો કરી રહ્યું છે પાકિસ્તાન

પાકિસ્તાન નિકાસમાં ઘટાડો અને આયાતમાં ઉતાર-ચઢાવના કારણે અર્થવ્યવસ્થામાં ડૉલરની ઘટ, કરન્સી પર દબાણ અને વિદેશી કરન્સીમાં ઘટ જેવી આર્થિક સમસ્યાઓ સામે ઝઝૂમી રહ્યું છે. મોટાભાગના ફાયનાન્શિયલ એક્સપર્ટે ભવિષ્યવાણી કરી છે કે, પાકિસ્તાન 1980ના દાયકાની શરૂઆતથી 15મા બેલઆઉટ પેકેજ માટે IMF તરફ જોશે. જોકે, નવા વડાપ્રધાન ઈમરાન ખાને કોઈના પર નિર્ભર રહેવાની વાતોની આલોચના કરી છે.