ભારતીય ધનિકે દીકરી માટે ખરીદ્યો 18000 કરોડનો બંગલો!

I am Gujarat

કોર્સ કરવા જઈ રહેલી પુત્રી માટે ખરીદી બંગલો

એક અનામ ભારતીય અબજોપતિએ પોતાની દીકરીના રહેવા માટે સ્કૉટિશ ગ્રામીણ વિસ્તારમાં 2 બિલિયન ડૉલર (18000 કરોડ)નો આલીશાન બંગલો ખરીદ્યો છે. શનિવારે મીડિયામાં આવેલા રિપોર્ટ અનુસાર, આ અબજોપતિની પુત્રી ટૂંક સમયમાં જ સ્કૉટલેન્ડમાં સેન્ટ એન્ડ્ર્યૂઝ યુનિવર્સિટીમાં પોતાનો કોર્સ શરૂ કરવા જઈ રહી છે.

1860માં તૈયાર થયું હતું આ આલીશાન મેન્શન

એક અખબારના રિપોર્ટ અનુસાર, પ્રથમ વિશ્વયુદ્ધના ફીલ્ડ માર્શલ રહેલા અર્લ હેગ અને તેમના પરિવારનું ઘર રહેલું ‘ધ ઈડેન મેન્શન’નું નિર્માણ 1860માં થયું હતું. હવે આ ઘર પોતાના ભારતીય માલિકનું સ્વાગત કરવા માટે તૈયાર છે.

શું છે ખાસિયતો

આઠ બેડરૂમવાળા આ વિક્ટોરિયન મેશનમાં એક સિનેમા હૉલ, દારૂનો બાર, અસ્તબલ અને પાંચ એકર જમીન છે. ખાસ વાત એ છે કે, સેન્ટ એન્ડ્રૂઝમાં પોતાના છેલ્લા વર્ષ દરમિયાન પ્રિન્સ વિલિયમ અને કેટ મિડલ્ટન પણ 2003માં આને પોતાના સંભવિત સ્કૉટિશ ઘર તરીકે જોઈ રહ્યાં હતા. જોકે, તેમણે આખરે નજીકના સ્ટ્રેથીટીરમ એસ્ટેટમાં એક કૉટેજને પસંદ કર્યું.

આખરે કોણ છે ખરીદદાર?

આ સંપત્તિનું માર્કેટિંગ કરનારા એજન્સી સેવિલ્સના એક પ્રવક્તાએ અખબારને જણાવ્યું કે, ‘હું ફક્ત એટલું કહેવા માટે જ સ્વતંત્ર છું કે, ઈડન મેન્શન હવે બજારમાં નથી.’ તેમણે સંકેત આપ્યો આ ડીલ ફાઈનલ થઈ ચૂકી છે અને ભારતીય પરિવાર માટે અહીં રહેવાનો રસ્તો સાફ થઈ ગયો છે.