UAE : ફોન પર ઊંચા અવાજે વાત કરતો હતો રૂમમેટ, ભારતીયે ચાકૂ વડે હત્યા કરી!

I am Gujarat

UAEનો વિચિત્ર કિસ્સો

સંયુક્ત આરબ અમીરાત (UAE)માં એક ભારતીય પર આરોપ છે કે, તેણે ફોન પર ઊંચા અવાજે વાત કરનારા પોતાના સાથી કર્મચારીને મોતને ઘાટ ઉતારી દીધો છે. બંને એક એક જ રૂમમાં કામ કરતા હતા અને સહ કર્મચારીએ ફોન પર કોઈની સાથે ઊંચા અવાજે વાત કરતા ભારતીય વ્યક્તિને તેના પર ગુસ્સો આવ્યો હતો અને તેણે ચાકૂ વડે તેની હત્યા કરી દીધી હતી. આ ઙટના દુબઈના અલ કુસૈસ વિસ્તારમાં બની હતી.

દારૂના નશામાં હતો આરોપી

આ વિસ્તારમાં મોટી સંખ્યામાં ભારતીયો રહે છે. સ્થાનીક મીડિયા અનુસાર, પોલીસે 37 વર્ષીય આરોપી સામે કોર્ટમાં આરોપ પત્ર દાખલ કર્યો છે. તેમાં કહેવામાં આવ્યું છે કે, ઘટનાવાળા દિવસે આરોપીએ ચિક્કાર દારૂ પીધેલો હતો અને સાથી કર્મચારીની ફોન પર ઊંચા અવાજે વાત કરતા ભડકી ઉઠ્યો હતો અને તેની હત્યા કરી દીધી હતી.

અનેકવાર માર્યા ચાકુના ઘા

પહેલા આરોપી અને મૃતક વચ્ચે બોલાચાલી થઈ હતી અને બાદમાં ઝપાઝપી થઈ હતી જેમાં આરોપીએ મૃતકને પેટમાં અનેકવાર ચાકૂના ઘા માર્યા હતા અને તેને મોતને ઘાટ ઉતારી દીધો હતો. ફરિયાદી પક્ષે આરોપીને આકરી સજા ફટકારવાની માગણી કરી છે.