US Election: ભારતીય મૂળના આ બે જાણીતા અમેરિકનો બિડેનના બન્યા 'મુખ્ય સલાહકારો'

ન્યૂયોર્ક: ભારતીય મૂળના બે અગ્રણી અમેરિકનો ડેમોક્રેટિક પાર્ટીના રાષ્ટ્રપતિ પદના ઉમેદવાર જો બિડેનના 'મુખ્ય સલાહકારો' છે. જેઓ કોરોના વાયરસના રોગચાળાથી અર્થતંત્રને પાટા પર લાવવા તેમજ વિદેશ નીતિ અને જળવાયુ પરિવર્તન જેવી બાબતો પર તેમને સલાહ આપે છે. મીડિયા રિપોર્ટમાં આ વાત કહેવામાં આવી છે.

ન્યુયોર્ક ટાઇમ્સના અહેવાલમાં જણાવાયું છે કે રોગચાળા અંગે સલાહ આપતા લોકોમાં અમેરિકાના પૂર્વ સર્જન જનરલ ડો વિવેક મૂર્તિ શામેલ છે. મૂર્તિની નિમણૂક ભૂતપૂર્વ રાષ્ટ્રપતિ બરાક ઓબામાએ કરી હતી, જ્યારે હાર્વર્ડના અર્થશાસ્ત્રી રાજ ચેટ્ટી બિડેનને આર્થિક મુદ્દા વિશે માહિતી આપી રહ્યા છે. મૂર્તિ અને ફૂડ એન્ડ ડ્રગ એડમિનિસ્ટ્રેશનના ભૂતપૂર્વ ચીફ ડેવિડ કેસલર એવા લોકોમાં શામેલ છે, જેઓ બિડેન અભિયાનના કોન્ફરન્સ કોલ પર હતા, જ્યારે ખબર પડી કે સેનેટર કમલા હેરિસ સાથે બે લોકો મુસાફરી કરી રહ્યા છે. કોરોના વાયરસના ચેપની પુષ્ટિ થઈ છે.


અહેવાલમાં કહેવામાં આવ્યું છે કે, 'બિડેન હંમેશા નિષ્ણાતો સાથેની તેમની ક્રિયા પ્રતિક્રિયાઓનો ઉલ્લેખ કરે છે અને ડો મૂર્તિ અને ડો. કેસલર મેડિકલ ક્ષેત્રના જાણીતા દિગ્ગજ છે જેમની પાસેથી રોગચાળાના શરૂઆતના દિવસોમાં બિડેને ચર્ચા કરી અભિપ્રાય લીધા હતા.' રિપોર્ટમાં કેસલરના હવાલાથી કહેવામાં આવ્યું છે કે રોગચાળાની શરૂઆતના દિવસોમાં તેઓ અથવા મૂર્તિ બિડેનને દરરોજ અથવા અઠવાડિયામાં ચાર વખત માહિતી આપતા હતા.


અર્થતંત્ર અંગે સલાહ આપવાનો બિડેનનો અવકાશ વિશાળ છે અને તે સેંકડો નીતિ નિષ્ણાતોની સલાહ લે છે. ભૂતપૂર્વ ફેડરેશન રિઝર્વ પ્રમુખ જેનેટ યેલેને કહ્યું હતું કે બિડેનને અર્થવ્યવસ્થા વિશે માહિતી આપનારા લોકોમાં ચેટ્ટી પણ છે. 'જેમણે આર્થિક ગતિશીલતા અને તેના આધારે મહત્વપૂર્ણ સંશોધન કર્યું છે.'