માઈક્રોસોફ્ટના સહ-સંસ્થાપક બિલ ગેટ્સે ભારતીય ફાર્મા ઉદ્યોગ વખાણ કરતા કહ્યું કે ભારતીય ફાર્મા ઉદ્યોગ દેશ માટે જ નહીં, પરંતુ સમગ્ર દુનિયા માટે કોવિડ-19ની વેક્સીન બનાવવામાં સક્ષમ છે. દુનિયાના બીજા સૌથી ધનાઢ્ય વ્યક્તિ તથા બિલ એન્ડ મેલિન્ડા ગેટ્સ ફાઉન્ડેશનના સહ-પ્રમુખ અને ટ્રસ્ટી ગેટ્સએ કહ્યું કે, ભારતમાં ઘણી મહત્વપૂર્ણ ઘટનાઓ થઈ છે અને તેનો દવા ઉદ્યોગ કોરોના વાયરસની વેક્સીન બનાવવા માટે કામ કરી રહ્યો છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
‘કોવિડ-19 વાયરસ સામે ભારતની લડાઈ’ નામની ડોક્યુમેન્ટ્રીમાં તેમણે કહ્યું કે, ભારતને પોતાની વિશાળ વસ્તી અને શહેરી કેન્દ્રોના કારણે સ્વાસ્થ્ય સંકટની એક મોટી મુશ્કેલીનો સામનો કરવો પડી રહ્યો છે.
ભારતના દવા ઉદ્યોગની ક્ષમતાઓ વિશે તેમણે કહ્યું, ભારતમાં ખૂબ વધારે ક્ષમતા છે. અહીંની દવા અને વેક્સીન કંપનીઓ સમગ્ર દુનિયા માટે વિશાળ આપૂર્તિકર્તા છે. તમે જાણો છો કે, ભારતમાં સૌથી વધારે રસી બનાવવામાં આવે છે. તેમણે કહ્યું, બાયો ઈ, ભારત બાયોટેક સહિત ઘણી અન્ય કંપનીઓ છે જે કોરોના વાયરસની વેક્સીન બનાવવામાં મદદ કરી રહી છે.
બિલ ગેટ્સ આગળ કહે છે, હું ઉત્સાહિત છું કે ત્યાંનો દવા ઉદ્યોગ ન માત્ર ભારત માટે પરંતુ સમગ્ર દુનિયા માટે (વેક્સીનનું) ઉત્પાદન કરી શકશે. આપણે મોતના આંકડાને ઓછા કરવા માટે આ સુનિશ્ચિત કરવાની જરૂર છે કે આ બીમારીને ખતમ કરવા માટેની ઈમ્યુનિટી આપણી અંદર હોય.
ગેટ્સે કહ્યું કે, બિલ એન્ડ મેલિન્ડા ગેટ્સ ફાઉન્ડેશન પણ સરકારની એક પાર્ટનર છે. ગેટ્સની દાન માટેની સંસ્થાએ ભારત સરકારના બાયોટેક્નોલોજી વિભાગ તેમજ ઈન્ડિયન કાઉન્સિલ ઓફ મેડિકલ રીસર્ચ (ICMR) અને મુખ્ય વૈજ્ઞાનિક સલાહકારની ઓફિસ સાથે પાર્ટનરશીપ કરી છે.
વૈશ્વિક સ્તરે કોરોનાની રસી વિકસાવવા માટેના જોડાણ કોઅલિશન ફોર એપીડેમિક પ્રીપેર્ડનેસ ઈનોવેશન્સ (CEPI)માં ભારત જોડાયું હોવાનો ઉલ્લેખ કરતા ગેટ્સે કહ્યું કે, ‘મને અત્યંત આનંદ થાય છે કે, આ જોડાણ દ્વારા ફક્ત ભારતને જ નહીં પરંતુ સમગ્ર વિશ્વને વેક્સીન મળશે. આપણે સૌ મૃત્યુદરમાં ઘટાડો કરીને ઈમ્યુન થઈ શકીશું અને આ રીતે જ આપણે મહામારીનો અંત લાવી શકીશું.’