કોરોના સંકટમાં અમેરિકન વિદ્યાર્થીઓને ભારતીય શિક્ષકોએ કરી મદદ, થઈ રહી છે પ્રશંસા

અમેરિકન અખબાર વોલ સ્ટ્રીટ જર્નલના રિપોર્ટ પ્રમાણે કોરોનાના રોગચાળા દરમિયાન અમેરિકાના એટલાન્ટામાં ઘણા મહિના સુધી સ્કૂલોમાં રજા આપવામાં આવી હતી. આ દરમિયાન શેરી એક્રેલે સાતમાં અને ત્રીજા ધોરણમાં ભણતા પોતાના બે બાળકોનો અભ્યાસ ઓનલાઈન માધ્યમથી કરાવવાનું શરૂ કરી દીધું છે. તેમણે કહ્યું છે કે ઓનલાઈન અભ્યાસ દરમિયાન પણ મારા બાળકોને વન-ટૂ-વન એટેન્શન મળ્યું. જોકે, ઘરથી અભ્યાસ કરવો વધારે મહેનતનું કામ છે. તેમ છતાં પણ તે સસ્તુ છે.

ઓનલાઈન અભ્યાસની માંગ વધવાથી ભારતીય શિક્ષકો માટે નવા દ્વારા ખુલી રહ્યા છે. આ શિક્ષક કેલક્યુલસથી લઈને કોમ્પ્યુટર પ્રોગ્રામિંગ સુધી પ્રત્યેક વિષય અમેરિકન બાળકોને ભણાવી રહ્યા છે. તે અમેરિકન હાઈસ્કૂલના વિદ્યાર્થીઓને તેમનું હોમવર્ક પૂરૂ કરાવવામાં પણ મદદ કરી રહ્યા છે. આ ઉપરાંત કોલેજના વિદ્યાર્થીઓ તેમના અર્થશાસ્ત્ર અને એન્જિનિયરિંગ વિષયોને સારી રીતે સમજે છે.

કોરોના વાયરસના કારણે ભારતની અર્થવ્યવસ્થાને ભારે નુકસાન થયું છે. પરંતુ ઝડપથી વધી રહેલી એજ્યુકેશન ઈન્ડસ્ટ્રીએ મોટી સંખ્યામાં શિક્ષકોને નોકરીઓ આપી છે. જેમાં ઘણા ભારતીય ઓનલાઈન શીખવાની સાથે સાથે ઘણું બધુ કરી રહ્યા છે. ટેકનોલોજીના જાણકારોને પણ આ ઉદ્યોગમાં નોકરીઓ મળી રહી છે.

અમેરિકાના કેલિફોર્નિયામાં સ્થિત ઓનલાઈન એજ્યુકેશન આપતી કંપની Cheggએ જણાવ્યું છે કે આ વર્ષે સપ્ટેમ્બર સુધી તેમના વિદ્યાર્થીઓની સંખ્યામાં 69 ટકાનો વધારો નોંધાયો છે. વર્તમાનમાં કંપની પાસે 3.7 મિલિયન સબસ્ક્રાઈબર્સ છે. કંપનીની સૌથી લોકપ્રિય સેવાઓમાંથી એક હોમવર્કના મુશ્કેલ પ્રશ્નોને હલ કરાવવામાં મદદ કરવાનું પણ છે. આ કંપની આ કામ માટે ભારતના હજારો શિક્ષકો પર આધાર રાખે છે. જે ભારતમાં બેઠા-બેઠા અમેરિકન વિદ્યાર્થીઓના સવાલોના જવાબ આપે છે.