કિશનગંજઃ ભારત-નેપાળ વચ્ચે ચાલી રહેલા તણાવની અસર હવે ભારતીય સરહદી વિસ્તારના નાગરિકો પર પણ પડવા લાગી છે. બિહારના કિશનગંજ જિલ્લામાં ભારત-નેપાળ સરહદ પર શનિવારે રાતે નેપાળ પોલીસે ત્રણ ભારતીય નાગરિકો પર ગોળીબાર કર્યો હતો. આ ફાયરિંગમાં એક યુવકને ગંભીર ઈજા પહોંચી હતી. યુવકને સારવાર માટે હોસ્પિટલમાં ખસેડવામાં આવ્યો છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
એક યુવકની હાલત ગંભીર
મળેલી જાણકારી અનુસાર, ઘાયલ યુવકનું નામ જિતેન્દ્રકુમાર સિંહ છે. જિતેન્દ્ર ખાનિયાબાદ પંચાયતના માફી ટોલાનો રહેવાસી છે. સ્થાનિક ગામના લોકો સારવાર માટે પ્રાથમિક ઉપચાર કેન્દ્ર ટેઢાગાછમાં લઈને આવ્યાં. જ્યાંથી તેને પ્રાથમિક ઉપચાર આપીને વધુ સારવાર અર્થે અન્ય હોસ્પિટલમાં ખસેડવામાં આવ્યો છે. ઈજાગ્રસ્ત યુવક જિતેન્દ્રની સારવાર પૂર્ણિયામાં ચાલી રહી છે. જ્યાં તેની સ્થિતિ ગંભીર જણાવવામાં આવી રહી છે.
ઘટના પછી માર્ચ કરી રહ્યાં છે અધિકારીઓઃ SP
કિશનગંજના એસપી કુમાર આશીષે જણાવ્યું કે નેપાળ પોલીસ દ્વારા કિશનગંજમાં ભારત-નેપાળ સરહદ પાસે ત્રણ લોકો પર ફાયરિંગ કરવામાં આવ્યું છે. નેપાળ પોલીસના ગોળીબારમાં એક ભારતીય ઈજાગ્રસ્ત થઈ ગયો. ઘાયલને હોસ્પિટલમાં સારવાર અર્થે ખસેડવામાં આવ્યો છે. આ ઘટના પછી સ્થાનિક પોલીસ અને એસએસબીના અધિકારીઓ ઘટનાસ્થળે માર્ચ કરી હતી. હાલ આ ઘટના પર પોલીસ વધુ નજર ચાંપીને બેઠી છે.
ભારત-નેપાળ સરહદ સીલ
નોંધનીય છે કે લોકડાઉનના શરુઆતથી જ ભારત-નેપાળની સરહદ સીલ છે. લોકોની અવર-જવર પણ બંધ છે. નેપાળ સરકારે ભારત-નેપાળ સરહદ પર વધારે સુરક્ષાદળ મૂકી રાખ્યા છે. ખાસ તો સરહદના મુખ્ય રસ્તા ઉપરાંત પગદંડીઓ પર પણ સખત પહેરો છે. નેપાળમાં નેપાળી સશસ્ત્ર દળ કેમ્પ લગાવીને સુરક્ષા કરી રહ્યાં છે તો, ભારતીય સરહદમાં એસએસબીની હાજરી પહેલાથી જ છે અને સરહદ પર પહેરો રાખી રહ્યાં છે.