VIDEO: લગ્નમાં પહોંચ્યો હતો Ex-Boyfriend, યુવતી પતિની સામે ભેટી પડી!

શું તમે એ વિચારી શકો છો કે કોઈના લગ્નમાં જૂનો પ્રેમી પહોંચી જાય તો ? તમે તેની હાજરીથી ખુશ થશો કે પછી ગભરાઈ જશો? જો તમે વિચારી રહ્યાં છો કે આવું થાય તો તો ઘણી જ મુશ્કેલી સર્જાય શકે છે. તો તમે ખોટું વિચારી રહ્યાં છો. કારણકે તાજેતરમાં જ ઈન્ડોનેશિયાની એક યુવતીએ સોશિયલ મીડિયા પર એક વિડીયો શેર કર્યો હતો. જેમાં તેનો એક્સ બોયફ્રેન્ડ તેને લગ્નની શુભકામનાઓ પાઠવતા જોવા મળે છે. નોંધનીય છે કે શુભેચ્છા આપવામાં કશું જ ખોટું નથી પરંતુ પબ્લિક તો એ વાતથી હેરાન છે કે યુવતીએ એટલે કે થનારી દુલ્હને પોતાના પતિને પૂછ્યું કે શું તે પોતાના એક્સને એકવાર ભેટી શકે છે ખરાં?


શું છે સમગ્ર ઘટના?
હકીકતમાં, લગ્નમાં દુલ્હનનો Ex-Boyfriend પણ પહોંચ્યો હતો. જ્યારે તે દુલ્હનને શુભેચ્છા પાઠવવા પહોંચ્યો તો તેણે હાથ મિલાવવા માટે હાથ આગળ વધાર્યો હતો. આથી દુલ્હને પતિ પાસે રજા માગી કે શું તે પોતાના એક્સને એકવાર ભેટી શકે છે ખરાં? જે પછી પતિએ હા કહી અને પછી 'જૂના પ્રેમી'ને ગળે ભેટી પડી હતી. પછી આ વ્યક્તિએ દુલ્હનના પતિ સાથે હાથ મિલાવ્યો અને તેને પણ ભેટી પડ્યો હતો. હવે સોશિયલ મીડિયા પર આ સુંદર પળનો વિડીયો વાયરલ થયો છે. કારણકે સામાન્ય રીતે ભાવી પતિ/પત્ની જૂના પ્રેમ સંબંધોને છૂપાવે છે.

અહીં જુઓ સમગ્ર વિડીયોઃ