2 વર્ષથી નાની ઉંમરના બાળકને માસ્ક પહેરાવાથી ગૂંગળામણ અને હીટ સ્ટ્રોકનો ભય

I am Gujarat

નાના બાળકોને માસ્કથી નુકસાન

કોવિડ -19ના સંક્રમણના જોખમે લોકોને માસ્ક પહેરવાની આદત પાડી દીધી છે. વિશ્વભરના આરોગ્ય નિષ્ણાતોનું પણ માનવું છે કે, લોકડાઉન ખુલ્યા બાદ સોશિયલ ડિસ્ટન્સિંગનું પાલન કરવું સરળ નથી, આવી સ્થિતિમાં માસ્ક પહેરવું જરૂરી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

માસ્કથી ગૂંગળામણ

રિસર્ચમાં પણ ખુલાસો થયો છે કે, માસ્ક પહેરવાથી કોરોના વાઈરસને 90% સુધી અટકાવી શકાય છે. જો કે, જાપાનના મેડિકલ ગ્રુપ જાપાન “જાપાન પેડિયાટ્રિક એસોસિએશન” એ પેરેન્ટ્સ માટે જરૂર ચેતવણી જાહેર કરી છે. તેમાં જણાવ્યા પ્રમાણે, 2 વર્ષથી ઓછી ઉંમરના બાળકોને માસ્ક પહેરાવું જોખમી છે.

શ્વાસ લેવામાં તકલીફ થઈ શકે છે

નાના બાળકોને માસ્ક પહેરવાથી તેમને શ્વાસ લેવામાં તો તકલીફ પડે છે પરંતુ ગૂંગળામણનું જોખમ પણ વધે છે. એસોસિયેશનના જણાવ્યા પ્રમાણે, 2 વર્ષથી ઓછી ઉંમરના બાળકોના નાકથી લઈને ફેફસાં સુધીનો માર્ગ સાંકળો હોય છે. આવી સ્થિતિમાં માસ્ક પહેરવાથી તેમના હૃદય પર દબાણ વધે છે. તે ઉપરાંત શરીરમાં ગરમી વધવાથી બાળકોમાં હીટ સ્ટ્રોકનું જોખમ પણ વધી શકે છે.

બાળકો માટે માસ્ક નુકસાનકારક છે

અમેરિકાની સેન્ટ ફોર ડિસીઝ કંટ્રોલ (CDC)અને અમેરિકન એકેડમી ઓફ પેડિયાટ્રિક્સના જણાવ્યા પ્રમાણે, 2 વર્ષછી ઓછી ઉંમરના બાળકોનું મોં કપડાથી ઢાકવાથી નુકસાન પહોંચી શકે છે.

જાપાનમાં ઈમર્જન્સી ફરીથી લાગુ થઈ શકે છે

લગભગ બે મહિના બાદ જાપાનના પ્રધાનમંત્રી શિંઝો આબેએ દેશમાં સ્ટેટ ઈમર્જન્સી હટાવી દીધી છે. જો કે, તેમણે નાગરિકોને ચેતવણી આપી છે જો સંક્રમણ વધશે તો ફરીથી સ્ટેટ ઈમર્જન્સી લાગુ કરવામાં આવી શકે છે.