200 વર્ષ જૂની વ્હિસ્કી કંપનીનો નિર્ણય
હવે 200 વર્ષ જૂની વ્હિસ્કી જૉની વોકર હવે કાગળની બોટલમાં મળશે. પરંતુ શા માટે તેવો પ્રશ્ન તમને થતો હશે? કારણ કે કંપની પોતાની તમામ બ્રાન્ડમાં પ્લાસ્ટિકનો ઉપયોગ ઓછો કરવા પર ભાર આપી રહી છે જેનાથી પર્યાવરણને નુકસાન ઓછું પહોંચે. બીયર કંપની ‘કાર્લ્સબર્ગ’ પણ આવી જ જાહેરાત કરી ચૂકી છે. એક અંદાજ મુજબ માત્ર યુરોપમાં જ વર્ષ 2018માં ફૂડ એન્ડ ડ્રિંક પ્રોડ્ટસની પેકિંગ માટે 82 લાખ ટન પ્લાસ્ટિકનો ઉપયોગ કરવામાં આવ્યો હતો.
કાચની બોટલ કેમ નહીં?
સામાન્ય રીતે દુનિયાની સૌથી મોટી લિકર કંપનીઓમાંથી એક જોની વોકર વ્હિસ્કી કાચની બોટલમાં વેચાઈ છે. પરંતુ કાચની બોટલ બનાવવામાં ઉર્જા સાથે કાર્બન ઉત્સર્જન પણ વધારે થાય છે. જ્યારે પ્લાસ્ટિકથી પર્યાવરણને ભારે નુકસાન પહોંચે છે. એવામાં કંપની માલિક ડિયાજિયોએ કાગળની બોટલ અપનાવવાનો નિર્ણય કર્યો છે.
કેવી રીતે તૈયાર કરવામાં આવશે બોટલ
ડિયાજિયોએ જણાવ્યું, બોટલ પલ્પના ખાંચામાં નાંખ્યા બાદ તેને માઈક્રોવેવમાં શેકીને બનાવવામાં આવશે. તેમાં અંદરની બાજુ પરત ચઢાવવામાં આવશે કે જેનાથી ડ્રિંક કાગળ સાથે ન ભળે. અનેક કાર્ટન જે કાગળથી બને છે તેની અંદર પ્લાસ્ટિકની પરત હોય છે. પરંતુ ડિયાજિયોનું કહેવું છે કે આ બોટલમાં કોઈ પણ પ્રકારના પ્લાસ્ટિકનો ઉપયોગ નહીં કરવામાં આવે.
વર્ષ 2012થી શરૂ થશે પરીક્ષણ
કંપની કાગળની બોટલ બનાવવા માટે ‘પલ્પેક્સ’ નામની એક ફર્મ બનાવવા જઈ રહી છે. જે પેપ્સિકો અને યૂનીલીવર જેવી બ્રાન્ડ માટે પણ કાગળની બોટલો તૈયાર કરશે. કંપનીનું કહેવું છે કે કાગળની બોટલ ‘વુડ પલ્પ’માંથી બનશે, જેનું પરીક્ષણ 2021માં કરવામાં આવશે. આ બોટલોને સંપૂર્ણ રીતે રિસાયકલ કરી શકાશે.