Video: સફારી પાર્કમાં ફરી રહેલા ટૂરિસ્ટ્સની કારમાં ઘૂસી ગયો સિંહ, પછી....

I am Gujarat

ફિલ્મના દ્રશ્યો જેવી ઘટના રિયલ લાઈફમાં બની

તમે બોલિવૂડ કે હોલિવૂડની કોઈ ફિલ્મમાં ઘણીવાર એવા સીન્સ જોયા હશે, જેમાં કોઈ જંગલમાં ફરી રહેલા મનુષ્ય પર હિંસક પ્રાણી હુમલો કરી દે… આપણે સૌ જાણીએ છીએ કે આ સીન રિયલ નથી, તેમ છતાં તે દ્રશ્યો જોઈને રૂંવાડા ઊભા થઈ જાય છે, હવે વિચારો કોઈની સાથે આવું હકીકતમાં બને ત્યારે શું થાય…

ટૂરિસ્ટ્સની કારમાં ઘૂસ્યો સિંહ

જીહાં, ક્રીમિયાના એક સફારી પાર્કમાં આવી જ એક ઘટના બની. જ્યારે ત્યાં ફરવા માટે આવેલા ટૂરિસ્ટની ખુલ્લી કારમાં અચાનક એસ સિંહ ઘુસી ગયો. ક્રીમિયાના વલ્નોહર્સ્કમાં બનેલા સફારી કાર્કમાં બનેલી આ ઘટનાનો વીડિયો પાર્ક પ્રશાસને જ યુટ્યુબ પર શેર કર્યો છે. આ તે જ પાર્ક છે જ્યાં થોડા સમય પહેલા એક સિંહ મહિલા પર્યટક પર હુમલો કર્યો હતો.

ઘટનાનો વીડિયો ઓનલાઈન શેર કરાયો

વીડિયોમાં જોઈ શકાય છે કે ‘ફિલ્યા’ નામનો આ સિંહ ઓપન-એર સફારીમાં વાહન પર ચઢી ગયો, જ્યારે તેમાં ટૂરિસ્ટ બેઠેલા હતા. ઘટના સમયે વાહનને પાર્કના માલિક ઓલેગ જુબકોવ પોતે ચલાવી રહ્યા હતા, જેમને ‘લાયન વ્હીસ્પરર’ પણ કહેવાય છે.

સિંહ ટૂરિસ્ટ્સના ગળે લાગ્યો

વીડિયોમાં જોઈ શકાય છે કે મોટાભાગના પર્યટકો સિંહને જોઈને હસી રહ્યા છે અને તેને પ્રેમથી સ્પર્શ કરવાનો પ્રયાસ કરી રહ્યા છે. પરંતુ એક મહિલા ટૂરિસ્ટ ખૂબ જ ડરી ગઈ અને તે કારમાંથી કૂદી જાય છે. પરંતુ અન્ય ટૂરિસ્ટ કારમાં જ બેસી રહે છે અને સિંહ વારાફરતી એક પછી એક બધાને હગ કરી રહ્યા છે.

ચાર લાખથી વધુ વખત જોવાયો વીડિયો