યુરોપમાં સૌથી વધુ અસરગ્રસ્ત છે મેડ્રિડ
સ્પેનની રાજધાની મેડ્રિડમાં 4.8 મિલિયન લોકો રહે છે અને તેઓ હવે લોકડાઉન જાહેર કરવાના કારણે તેઓ આ વિસ્તાર છોડી શકશે નહીં. મેડ્રિડમાં યુરોપમાં કોઈ પણ જગ્યા કરતા સૌથી વધારે ઈન્ફેક્શન રેટ છે. વર્લ્ડ હેલ્થ ઓર્ગેનાઈઝેશનના જણાવ્યા પ્રમાણે મેડ્રિડમાં પ્રતિ 1,00,000 લોકોમાંથી 850 કોરોના કેસ છે.
શુક્રવારે રાત્રે 10 વાગ્યાથી જાહેર થયું લોકડાઉન
મેડ્રિડમાં શુક્રવારે 10 વાગ્યાથી લોકડાઉન જાહેર કરવામાં આવ્યું છે. નવા નિયમો પ્રમાણે બિનજરૂરી મુસાફરી માટે શહેરની સરહદો બંધ કરી દેવામાં આવી છે. જ્યારે પાર્ક અને પ્લેગ્રાઉન્ડ્સ બંધ કરી દેવામાં આવ્યા છે. આ ઉપરાંત છથી વધારે લોકો એકઠા થઈ શકશે નહીં. બાર્સ અને રેસ્ટોરન્ટ્સ પણ રાત્રે 11 વાગ્યા સુધી જ ખુલ્લી રાખી શકાશે.
સ્પેનમાં કોરોના કેસની સંખ્યા 8 લાખની નજીક
સ્પેનિશ સ્વાસ્થ્ય મંત્રાલય દ્વારા આ પગલા લેવામાં આવ્યા છે. સ્પેનમાં કોરોનાના કેસની સંખ્યા સતત વધી રહી છે તેને જોતા તંત્ર એલર્ટ થઈ ગયું છે. શુક્રવાર સુધીમાં સ્પેનમાં કોરોનાના 7,89,932 કેસ થઈ ગયા છે. એક જ દિવસમાં કોરોનાના 11,325 કેસ સામે આવ્યા છે. જોકે, ઘણા લોકોનું કહેવું છે કે તેઓ કેન્દ્ર અને સ્થાનિક સરકારના નિર્ણયોના કારણે મૂંઝવણમાં મૂકાઈ ગયા છે. બધાને ચિંતા છે કે શું આ પગલાથી કોઈ ફાયદો થશે કે નહીં.