પરિણીત યુવકે ગર્લફ્રેન્ડના મેમોનો દંડ ભરવા માટે પત્નીનું ક્રેડિટ કાર્ડ વાપર્યું અને ભરાઈ ગયો

કહેવાય છે કે પ્રેમને ગમે તેટલો છુપાવવાનો પ્રયાસ કરો, તેને છુપાવી શકાતો નથી. અને જ્યારે તે બધાની સામે આવી જાય ત્યારે ઘણીવાર મોટી ધમાલ થઈ જાય છે. આવો જ એક અનોખો મામલો દુબઈમાં સામે આવ્યો છે, જ્યાં પોલીસને એક મહિલાની ફરિયાદ મળી છે કે કોઈ અજાણી વ્યક્તિનો ટ્રાફિક દંડ ભરવા માટે તેના ક્રેડિટ કાર્ડનો ઉપયોગ કરાયો છે. જ્યારે પોલીસ મામલાની તપાસ કરી તો કંઈક અલગ જ મામલો સામે આવ્યો. તપાસમાં ખુલાસો થયો કે મહિલાના પતિએ જ ગર્લફ્રેન્ડનો ટ્રાફિક દંડ ભરવા માટે પોતાની પત્નીના કાર્ડનો ઉપયોગ કર્યો હતો.

મહિલાને લાગ્યું કાર્ડ ચોરી થઈ ગયું છે
મહિલાને એક દિવસે બેંકમાંથી સૂચના મળી હતી કે તેના ક્રેડિટ કાર્ડમાંથી એક ટ્રાન્ઝેક્શન થયું છે. તેણે તરત જ બેંકને ફોન કર્યો અને દુબઈ પોલીસને આ મામલે ફરિયાદ કરતા પહેલા પોતાનું કાર્ડ બ્લોક કરાવી દીધુ. તે સમયે મહિલાને લાગી રહ્યું હતું કે, તેનું ક્રેડિટ કાર્ડ ચોરી થઈ ગયું છે. પરંતુ બાદમાં જ્યારે મહિલાને આખી ઘટના માલુમ પડી તો તે ચોંકી ઉઠી.

ગર્લફ્રેન્ડને પણ નહોતી ખબર'ગલ્ફ ન્યૂઝ'ની રિપોર્ટ મુજબ, તપાસ બાદ ક્રેડિટ કાર્ડનો ઉપયોગ કરનારી મહિલાને જાણ કરવામાં આવી, જે બાદ કેસમાં એક નવો ખુલાસો થયો. દુબઈ પોલીસમાં સાઈબર ક્રાઈમ ડિપાર્ટમેન્ટના ડેપ્યુટી ડાયરેક્ટર કેપ્ટન અબ્દુલાલએ કહ્યું, આ મામલો અનોખો બની ગયો છે. કારણ કે મહિલાને ખબર જ નહોતી કે તેના પતિએ જ ગર્લફ્રેન્ડનો ટ્રાફિર દંડ ભરવા માટે તેના ક્રેડિટ કાર્ડનો ઉપયોગ કર્યો હતો. આટલું જ નહીં ગર્લફ્રેન્ડને પણ નહોતી ખબર કે તેનો પ્રેમી પહેલાથી જ પરિણીત છે.