વ્યક્તિ પોતાના સપના પૂરા કરવા માટે શું નથી કરતો. વર્ષોની મહેનત, એક-એક રૂપિયો ભેગો કરીને આપણે દરેક નાના-મોટા સપના પૂરા કરીએ છીએ. હાલમાં એક એવો મામલો સામે આવ્યો જ્યાં વ્યક્તિ એક ટ્રકમાં 900 કિલો સિક્કા લઈને BMWના શોરૂમ પર પહોંચી ગયો. તેણે 4,80,000 યુઆન એટલે કે 50 લાખ 64 હજાર રૂપિયામાં નવી BMW કાર ખરીદી.
ટ્રકમાં લોડ હતા દોઢ લાખ સિક્કાઓ
ચીનના Tongren શહેરમાં પાછલા દિવસોમાં એક વ્યક્તિ પિકઅપ ટ્રક લઈને BMW કારના શોરૂમાં પહોંચી ગયો. શોરૂમના કર્મચારીઓ તે સમયે દંગ રહી ગયા, જ્યારે તેણે જણાવ્યું કે ટ્રકમાં 1,50,000 સિક્કા છે અને તેનાથી તે નવી કાર ખરીદવા ઈચ્છે છે. કર્મચારીઓને પહેલા તો આ વિચિત્ર લાગ્યું, પરંતુ જ્યારે વ્યક્તિએ પોતાની કહાણી જણાવી તો મેનેજરે રાજી થઈને તેને કાર પણ આપી દીધી. આ સિક્કાને ગણવા માટે શો રૂમને બેંકના કર્મચારીઓ બોલાવવા પડ્યા.
બસ ડ્રાઈવર અને લક્ઝરી કારનું સપનું
કહેવાય છે કે કાર ખરીદનારો શખસ એક બસ ડ્રાઈવર રહી ચૂક્યો છે. તેણે હંમેશા એક લક્ઝરી કાર ખરીદવાનું સપનું જોયું હતું. આ માટે તે પૈસા જમા કરી રહ્યો હતો. ખાસ વાત એ છે કે તેણે માત્ર સિક્કાઓ જ જમા કર્યા હતા અને ધીમે-ધીમે 50 લાખથી વધારે રકમ ભેગી કરી લીધી. તે શખસે જણાવ્યું કે પાછલા દિવસોમાં તેણે નવી બીએમડબલ્યૂની કાર જોઈ, તો તેને લાગ્યું કે આ તેના જ સપનાની કાર છે.
ચાર દિવસમાં મિત્રોની મદદથી ગણ્યા સિક્કા
મીડિયા રિપોર્ટ્સ મુજબ, તે શખસને આ અંદાજ નહોતો કે તેની પાસે કેટલા પૈસા છે. આથી તેણે પોતાના મિત્રોની મદદ લીધી અને ચાર દિવસમાં સિક્કા ગણવાનું કામ ખતમ કર્યું. આ બાદ સિક્કાઓને પિકઅપમાં લોડ કરીને શોરૂમ પહોંચ્યો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.