નોર્થ કોરિયાના તાનાશાહ કિમ જોંગે અંગ્રેજી શીખવા માટે અમેરિકન યુવકનું અપહરણ કર્યું!

પ્યોંગયોંગઃ નોર્થ કોરિયાના સરમુખત્યારશાહ કિમ જોંગ હમણાંથી તેની તાનાશાહીને લીધે ચર્ચામાં છે. તાજેતરમાં જ તેણે મીટિંગમાં ઝોકું ખાનારા શિક્ષણમંત્રીને ગોળી મારી દીધી હતી. હવે કિંમ જોંગ ઉનનું વધુ એક કારનામું બહાર આવ્યું છે. તેણે અંગ્રેજી શીખવા માટે એક અમેરિકન યુવકનું અપહરણ કર્યું છે. ડેવિડ સ્નોડેન નામનો આ યુવક 2004થી ચીનથી અચાનક લાપતા થઈ ગયો હતો. પહેલા એવી શંકા હતી કે, તેની ચીનમાં ધરપકડ કરી મારી નાખવામાં આવ્યો છે. જોકે હવે એક નવો ખુલાસો થયો છે, જે મુજબ ચીનના કિમ જોંગ ઉનને અંગ્રેજી શીખવાડવા માટે ડેવિડનું અપહરણ કરવામાં આવ્યું હતું. ડેવિડ હજી જીવિત છે અને નોર્થ કોરિયાના કેપિટલ પ્યોંગયાંગમાં રહે છે.

એક ન્યૂઝ એજન્સીના રિપોર્ટમાં સાઉથ કોરિયાના એક યુનિયનના અધ્યક્ષના માધ્યમથી આ ખુલાસો કરવામાં આવ્યો છે, જે મુજબ વર્ષ 2004માં ચીનમાંથી ગાયબ થયેલા ડેવિડ સ્નોડેનને નોર્થ કોરિયન સરકારે કિડનેપ કરી લીધો હતો. 2004માં ડેવિડ ચીનના હુનાનના હોટ ટૂરિઝમ ડેસ્ટિનેશન ટાઇગર લીપિંગ ગોર્જમાં ફરવા ગયો હતો. ડેવિડને છેલ્લી વાર 14 ઓગસ્ટ, 2004માં શાંગ્રી-લાની કોઈ કોરિયન રેસ્ટોરાંથી બહાર આવતો જોવામાં આવ્યો હતો. આ વિસ્તારમાં અંડરગ્રાઉન્ડ રેલવે પણ છે, જે રેલવે રોડથી જ નોર્થ કોરિયામાંથી નાસનારા સાઉથ ઇસ્ટ એશિયામાં પહોંચી જાય છે.

એવું કહેવાય છે કે, ડેવિડને આ જ રસ્તે કોરિયા લઈ જવાયો હતો. 2006માં 26મી ઓગસ્ટે ડેવિડનો મિસિંગ રિપોર્ટ નોંધવામાં આવ્યો હતો. એવું મનાય છે કે, ડેવિડ સારું કોરિયન બોલી શકતો હતો, તેથી કિમ જોંગ ઇલના પુત્ર કિમ જોંગ ઉને અંગ્રેજી શીખવા માટે તેને કિડનેપ કર્યો હતો.