શિક્ષક ભણાવી રહ્યા હતા ત્યારે જ ગેંગ ત્રાટકી
ડેઈલી મેલના અહેવલા પ્રમાણે મારિયો એક ખાનગી યુનિવર્સિટીમાં ભણાવે છે. આ ઘટનાના ફૂટેજમાં જોવા મળે છે કે તેઓ પોતાના વિદ્યાર્થીઓને ભણાવી રહ્યા છે ત્યારે ગેંગ તેમના રૂમમાં ત્રાટકે છે. તેમાંથી એક વ્યક્તિ પાછળથી મારિયોનું મોઢુ દબાવી દે છે અને અન્ય તેમને ધમકાવે છે. ત્યારબાદ તેઓ તેમના ઘરમાં સામાન ફેંદે છે. મારિયોએ સ્થાનિક મીડિયાને જણાવ્યું હતું કે લૂંટારૂઓ કહી રહ્યા હતા કે ચૂપ થઈ જાઓ. આ લૂંટ છે. તમારી પુત્રી ક્યાં છે? રૂપિયા ક્યાં છે? અને અન્ય સામાન ક્યાં છે?
પ્રેગ્નેન્ટ પુત્રીને પણ બંધક બનાવી દીધી હતી
મારિયોની 23 વર્ષીય પુત્રીને પણ લૂંટારૂઓએ બંધક બનાવી હતી. તેમની પુત્રી પ્રેગ્નેન્ટ છે. ગેંગે તેમના હાથ બાંધી દીધા હતા. પ્રોફેસરે જણાવ્યું હતું કે, અમારા માટે તે રાત આતંકની રાત રહી હતી કેમ કે તેમણે મારી પુત્રીને પકડી લીધી હતી અને બાંધી દીધી હતી. તેઓ કહી રહ્યા હતા કે તમે અમને રૂપિયા આપી દો નહીંતર અમે તમારી પુત્રીને નુકસાન પહોંચાડીશું.
વિદ્યાર્થીઓ સમગ્ર ઘટના જોઈ રહ્યા છે તેનાથી અજાણ હતી ગેંગ
જોકે, આ ગેંગને ખબર ન હતી પડી કે તેની આ લૂંટની ઘટના મારિયોના નોટબૂક દ્વારા તેમના વિદ્યાર્થીઓએ જોઈ હતી અને તેમણે પોલીસને ફોન કર્યો હતો. જ્યારે પોલીસ ઘટના સ્થળે પહોંચી ત્યારે એક લૂંટારૂએ શરણાગતિ સ્વીકારી લીધી હતી અને અન્ય લોકો ઘરની પાછળની બાજુએથી ભાગી ગયા હતા. જોકે, પોલીસે બાદમાં તમા શકમંદોને પકડી લીધા હતા જેમાં એક 21 વર્ષનો, એક 18 અને એક 16 વર્ષનો હતો. પોલીસે તેમની પાસેથી ચોરેલો સામાન જપ્ત કરી લીધો હતો જેમાં ઘડિયાળો, મોબાઈલ અને રોકડ રકમ હતી.