61 વર્ષીય દાદીએ પોતાની જ પૌત્રીને આપ્યો જન્મ! કેવી રીતે?

આ મહિલાએ જણાવ્યું કે તેમણે સરોગેટ મધર બનવાની રજૂઆત ત્યારે કરી હતી કે જ્યારે તેમના સમલૈંગિક દીકરા અને તેના પુરુષ પાર્ટનરે પરિવાર શરૂ કરવાની વાત કરી હતી. ત્યારે આ મહિલાની ઉંમર 59 વર્ષ હતી. ત્યારે ડોક્ટર્સે પણ એવું કહ્યું હતું કે સમલૈંગિક કપલ માટે બાળકને જન્મ આપવા માટેનો આ એક સારો વિકલ્પ હોઈ શકે છે. આ વૃદ્ધ મહિલાએ પૌત્રીને જન્મ આપ્યા બાદ કહ્યું કે તેઓ અને તેમની પૌત્રી સ્વસ્થ છે.

ડોક્ટરે આ મહિલાની સાથે વાતચીત કરી અને તેઓના કેટલાંક મેડિકલ ટેસ્ટ કરવામાં આવ્યા. ત્યારબાદ તેઓને સરોગેસી મધર બનવા માટેની મંજૂરી મળી ગઈ. આ મહિલાએ જણાવ્યું કે હું મારી હેલ્થનું સારી રીતે ધ્યાન રાખું છું અને માટે હું બાળકને મારી કૂખમાં રાખી શકું તે અંગેની કોઈ શંકા નહોતી. અહીં નોંધનીય છે કે સરોગેસી મધર અન્ય કપલનું બાળક પોતાની કૂખમાં ઉછેરે છે અને બાદમાં તેને જન્મ આપે છે.

આ વૃદ્ધ મહિલાએ જણાવ્યું કે તેઓને ગર્ભાવસ્થા દરમિયાન કોઈ સમસ્યા નડી નહીં. જ્યારે લોકોએ આ વિશે જાણ્યું તો તેમણે પણ સમર્થન આપ્યું. અમેરિકાના નેબ્રાસ્કામાં સમલૈંગિક લગ્નને કાયદાકીય માન્યતા મળી છે. ત્યાં હવે આ પ્રકારના સમલૈંગિક લગ્ન થઈ રહ્યા છે. આ મહિલાનો દીકરો ત્યારે ચર્ચામાં આવ્યો હતો કે જ્યારે તેણે સમલૈંગિક લગ્ન વિશે વિચારતા તેને નોકરીમાંથી કાઢી મૂકવામાં આવ્યો હતો.