એપશહેર

મુસ્લિમ યાત્રીને કહ્યું, તમારા પર નજર રાખવામાં આવશે

I am Gujarat 21 Jul 2016, 1:18 pm
નૉર્થ કૈરલાઈના: ફ્લાઈટ અટેન્ડેન્ટે સાર્વજનિક રીતે એક મુસ્લિમ પેસેન્જરનું નામ, સીટ નંબર અનાઉન્સ કર્યું અને ત્યારબાદ તેને અમેરિકન એરલાઈન્સમાંથી ઉતારી દેવામાં આવ્યો. ફ્લાઈટ અટેન્ડેન્ટે કહ્યું કે, તેના પર નજર રાખવામાં આવશે. મોહમ્મદ અહમદ રાદવાને નૉર્થ કૈરલાઈનાના ચારલેટમાં ફ્લાઈટ લીધી હતી. ફ્લાઈટ અટેન્ડેન્ટ લાઉડસ્પીકર પાસે ગઈ અને તેણે કહ્યું, મોહમ્મદ અહેમદ, સીટ નંબર 25-A, અમે તમારા પર નજર રાખીશું.
I am Gujarat muslim passenger kicked off american airlines flight after attendant announced ill be watching you
મુસ્લિમ યાત્રીને કહ્યું, તમારા પર નજર રાખવામાં આવશે


ફ્લાઈટ અટેન્ડેન્ટે આ પ્રકારની ઘોષણા અન્ય કોઈ પેસેન્જર માટે ના કરી. રાદવાને અટેન્ડેન્ટને પુછ્યું કે આ પ્રકારની ઘોષણા માત્ર તેમના માટે કેમ કરવામાં આવી. તેણે કહ્યું કે તમારાથી વધારે સતર્ક રહેવું પડશે. મો. અહમદે આ વાતની ફરિયાદ અન્ય બે અમેરિકન એરલાઈન્સના કર્મચારીઓને કરી. તેને કહેવામાં આવ્યું કે જો તે અટેન્ડેન્સની વાતથી અસહજ અનુભવે છે તો તેણે ફ્લાઈટ છોડી દેવી જોઈએ.

ધ કાઉન્સિલ ઑન અમેરિકન-ઈસ્લામિક રિલેશને(સીએઆઈઆર) આ ઘટનાની ફરિયાદ દાખલ કરી છે. સીએઆઈઆરના સ્ટાફ વકીલ મહા સૈયદે ફરિયાદમાં લખ્યું કે, અહમદ રાદવાનને બહાર કાઢવું કોઈ પણ રીતે યોગ્ય નથી. આ જાતિય ભેદભાવ છે. અમેરિકામાં મુસ્લિમો વિરુધ્ધ ભેદભાવમાં સતત વધારો થઈ રહ્યો છે. દેશની એરલાઈન્સ પાસેથી આ પ્રકારની લાપરવાહી અને આચરણને સહન કરી લેવામાં નહી આવે. ફ્લાઈટમાં દરેકને માન સાથે મુસાફરી કરવાનો હક છે. કોઈની સાથે ભેદભાવ ના કરી શકાય. માણસ કોઈ પણ ધર્મનો હોય, તેને ટાર્ગેટ કરવુ ગુનો છે.

સૈયદે કહ્યું કે, આજકાલમાં આવી ઘટનાઓમાં વધારો થયો છે. એરલાઈન્સમાં આવી રીતે પેસેન્જર્સને ઉતારી દેવામાં આવે છે. અને તેનું કારણ મુસ્લિમ હોવું અથવા તો મિડલ-ઈસ્ટ બેકગ્રાઉન્ડ હોવું હોય છે. આની પાછળ કોઈ તાર્કિક કારણ નથી હોતું.

આ વર્ષે એપ્રિલમાં એક મુસ્લિમ મહિલાને સાઉથવેસ્ટ એરલાઈન્સ પ્લેનથી શિકાગોમાં ઉતારી દેવામાં આવી હતી. તેણે માત્ર સીટ બદલવાની માંગ કરી હતી. માર્ચમાં પણ યૂનાઈટેડ એરલાઈન્સ ફ્લાઈટથી પાંચ સભ્યો વાળા એક મુસ્લિમ પરિવારને ઉતારી દેવામાં આવ્યો હતો.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો