કોરોના વાયરસથી ચેપગ્રસ્ત દર્દીઓ પર જાદૂઈ અસર દેખાડી રહી છે આ દવા

હ્યુસ્ટન મેથડિસ્ટ હોસ્પિટલે આ દવાનો ઉપયોગ વેન્ટિલેટર પર રાખવામાં આવેલા દર્દીઓ પર કર્યો હતો અને તેઓ ઝડપથી સાજા થઈ રહ્યા છે તેવી જાણકારી આપી છે. ન્યૂરોએક્સ અને રિલીફ થેરાપ્યુટિક્સે મળીને આ દવા બનાવી છે. દવા બનાવનારી કંપની ન્યૂરોએક્સે એક નિવેદનમાં કહ્યું છે કે સંશોધકોના જણાવ્યા પ્રમાણે એવિપ્ટાડિલ મનુષ્યના ફેફસાની કોશિકાઓ અને મોનોસાઈટ્સમાં સાર્સ કોરોના વાયરસની પ્રતિકૃતિ બનવાથી રોકે છે.

રિપોર્ટ પ્રમાણે કોવિડ-19ની ચેપગ્રસ્ત 54 વર્ષીય વ્યક્તિ ગંભીર રીતે બીમાર થયા બાદ આ દવાના ઉપયોગથી ચાર દિવસની અંદર તેમને વેન્ટિલેટર પર રાખવાની જરૂર પડી ન હતી. આ ઉપરાંત 15 અન્ય દર્દીઓમાં પણ આવા જ પરિણામો જોવા મળ્યા છે. ન્યુરોએક્સના સીઈઓ અને પ્રોફેસર જોનાથન જેવિટે કહ્યું છે કે, અન્ય કોઈ પણ વાયરલ વિરોધી દવાએ વાયરસના ચેપમાં આટલી ઝડપી અસર દેખાડી નથી.

હાલમાં સમગ્ર વિશ્વમાં મોટા ભાગના દેશોમાં કોરોનાની વેક્સીન તૈયાર કરવાની પ્રક્રિયા ચાલી રહી છે. જેમાંથી ત્રણ જેટલી વેક્સીને અસરકારક પરિણામો આપ્યા છે. જોકે, હાલમાં તેમની તબક્કાવાર ટ્રાયલ ચાલી રહી છે. આ વેક્સીનમાં ઓક્સફોર્ડ યુનિવર્સિટી દ્વારા તૈયાર કરવામાં આવી રહેલી વેક્સીનના સૌથી સારા પરિણામો જોવા મળ્યા છે.