હવે ફ્રાન્સમાં મળી આવ્યો કોરોના વાયરસનો 'નવો પ્રકાર'

પેરિસ: ફ્રાન્સના જણાવ્યા મુજબ ત્યાં હવે કોરોના વાયરસનો 'નવો પ્રકાર' મળી આવ્યો છે. સૌપ્રથમ બ્રિટનમાં કોરોના વાયરસનો આ 'નવો પ્રકાર' મળી આવ્યો અને દક્ષિણ આફ્રિકા, નાઈજીરિયામાં પણ કોરોના વાયરસના આ 'નવા પ્રકાર'ના કેસ સામે આવ્યા છે. ફ્રાન્સના હેલ્થ ડિપાર્ટમેન્ટના અધિકારીઓના જણાવ્યા મુજબ કોરોના વાયરસના આ 'નવા પ્રકાર'થી પીડિત વ્યક્તિ ફ્રાન્સનો નાગરિક છે અને તેઓ તારીખ 19 ડિસેમ્બરના દિવસે લંડનથી આવ્યા હતા. તેમણે જણાવ્યું કે આ સંક્રમિત વ્યક્તિ પોતાના ઘરે જ ક્વોરન્ટાઈન છે.

બ્રિટનમાં કોરોના વાયરસનો આ 'નવો પ્રકાર' મળ્યા પછી ભારત સહિત સમગ્ર દુનિયાના ઘણાં દેશોએ ત્યાંથી આવતા લોકો પર પ્રતિબંધ મૂક્યો હતો. ફ્રાન્સના હેલ્થ ડિપાર્ટમેન્ટના જણાવ્યા મુજબ તારીખ 21 ડિસેમ્બરે પીડિત વ્યક્તિની હોસ્પિટલમાં તપાસ કરવામાં આવી હતી. તેમણે જણાવ્યું કે પીડિત વ્યક્તિ હવે ઠીક છે. અગાઉ શુક્રવારે જાપાન, ડેન્માર્ક, નેધરલેન્ડ અને ઓસ્ટ્રેલિયાએ જણાવ્યું કે તેમના ત્યાં પણ કોરોના વાયરસના આ 'નવા પ્રકાર'થી સંક્રમિત દર્દીઓના કેસ સામે આવ્યા છે. આ પહેલા બ્રિટન અને દક્ષિણ આફ્રિકા બાદ આફ્રિકી દેશ નાઈજીરિયામાં કોરોના વાયરસના આ 'નવા પ્રકાર' વિશે જાણવા મળ્યું હતું.

કોરોના વાયરસના આ 'નવા પ્રકાર' વિશેની વધુ જાણકારી એકત્રિત કરવા માટે વૈજ્ઞાનિકોની એક ટીમ તપાસ કરી રહી છે. બુધવારે બ્રિટનમાં દક્ષિણ આફ્રિકાથી આવેલા બે પેસેન્જર્સમાં કોરોનાના 'નવા પ્રકાર' વિશે જાણવા મળ્યું હતું. બ્રિટિશ સ્વાસ્થ્ય મંત્રીએ કોરોનાના આ 'નવા પ્રકાર'ને વધુ સંક્રામક જણાવ્યો છે. આફ્રિકા સેન્ટર ફોર ડિસીઝ કંટ્રોલ એન્ડ પ્રિવેન્શનના પ્રમુખે નાઈજીરિયાના આ 'નવા પ્રકાર' વિશે કહ્યું કે આ યુકે અને દક્ષિણ આફ્રિકાથી એક અલગ પ્રકૃતિનો છે. તેમણે કોરોનાના આ 'નવા પ્રકાર'ની તપાસ માટે વધુ સમયની માગ કરી છે. કોરોના વાયરસના આ 'નવા પ્રકાર'ને P681H નામ આપવામાં આવ્યું છે.