કોરોનાના સંકટ વચ્ચે ચીનમાં વધુ એક ઘાતક વાયરસ મળ્યો, ફેલાવી શકે છે મહામારી

કોરોના સંક્રમણ સામે લડી રહેલી દુનિયા માટે ચીનથી વધુ એક ખરાબ ખબર આવી છે. વર્ષ 2009માં તબાહી મચાવનારા સ્વાઈન ફ્લૂ વાયરસનો એક નવો ટાઈપ મળ્યો છે. આ વાયરસ H1N1ના મુકાબલે ખૂબ જ શક્તિશાળી હોવા સાથે જલ્દીથી કોઈપણ વાતાવરણમાં ફેલાવવામાં સક્ષમ છે. વૈજ્ઞાનિકો મુજબ, આ વાયરસ કોરોના સંક્રમણથી પણ મોટી મહામારી ફેલાવવાનું કારણ બની શકે છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:અમેરિકાની સાયન્સ જર્નલ PNASમાં છપાયેલી એક રિપોર્ટમાં દાવો કરાયો છે કે સ્વાઈન ફ્લૂના એક નવા વાયરસ પ્રકારની જાણકારી મળી છે. જેનું નામ G4 રાખવામાં આવ્યું છે. આ માનવો માટે ખૂબ જ ખતરનાક છે અને ખૂબ સરળતાથી મહામારીમાં બદલવામાં સક્ષમ છે. ચીની યુનિવર્સિટી અને ચીનના સેન્ટર ફોર ડિસીઝ કન્ટ્રોલ એન્ડ પ્રિવેન્શન સેન્ટરે પણ આ વાયરસના મળવાની પુષ્ટિ કરી છે. રિપોર્ટ મુજબ, વર્ષ 2011થી 2018 સુધી વૈજ્ઞાનિકોએ ભૂંડના નાકથી મળેલા 30 હજારથી વધારે સેમ્પલનું ટેસ્ટિંગ કર્યું છે. આ દરમિયાન વૈજ્ઞાનિકોને 179 પ્રકારના સ્વાઈન ફ્લૂ ટાઈપ વાયરસ મળ્યા, પરંતુ 2016 બાદથી એક વાયરસ ટાઈપ સૌથી વધારે મળ્યો છે જે ખૂબ જ ખતરનાક છે.ખૂબ જ ખતરનાક નવો વાઈયસ ટાઈપવૈજ્ઞાનિકો મુજબ G4ના સંપર્કમાં આવનારા વ્યક્તિના પણ શરૂઆતના લક્ષણો તાવ, ખાંસી અને શરદી છે, પરંતુ આ ખૂબ જ ઝડપથી અન્ય લોકોમાં ફેલાઈ રહ્યો છે. તેના લક્ષણો સતત ગંભીર થતા જાય છે અને તે માનવ શરીર માટે નુકસાનકારક સાબિત થઈ શકે છે. સીઝનલ ફ્લૂ વિરુદ્ધ શરીરમાં જે એન્ટીબોડી બને છે તે આના માટે ઉપયોગી નથી, જે તેને વધુ ખતરનાક બનાવી દે છે. આ ખૂબ જ ઓછા સમયમાં દુનિયાની 4.4 ટકા સંખ્યાને બીમાર કરવામાં સફળ સાબિત થઈ શકે છે. આ વાયરસ પણ પ્રાણીઓ દ્વારા જ માનવોમાં ફેલાય છે. જોકે ચિંતાની વાત એ છે કે તે કોરોનાની જેમ એક વ્યક્તિથી બીજી વ્યક્તિમાં ફેલાવવામાં સક્ષમ છે.વૈજ્ઞાનિકોની ચેતવણીકેમ્બ્રિજ યુનિવર્સિટીના વેટરનરી વિભાગના પ્રમુખ ડોક્ટર જેમ્સ વુડ મુજબ તમામ દેશોએ તેમના ભૂંડ પાળવાની જગ્યાએ કડક દેખરેખ કરવાની જરૂર છે. ભૂંડના માંસ અને અન્ય પ્રાણીના માંસના ઉદ્યોગમાં આ પ્રકારના વાયરસનો ખતરો વધી ગયો છે. પાળતુ પ્રાણીઓના મુકાબલે જંગલી પ્રાણીઓનું માંસ વધારે ખતરનાક સાબિત થાય છે. તેનાથી માનવ શરીરમાં નવી બીમારીઓ આવી રહી છે. જેને જૂનોટિક ઈન્ફેક્શન કહી શકાય છે.