ભૂકંપ આવ્યા બાદ પણ ઈન્ટરવ્યૂ આપતા રહ્યા ન્યૂઝીલેન્ડના PM, સોશિયલ મીડિયામાં ફેન થયા લોકો

ન્યૂઝીલેન્ડના પ્રધાનમંત્રી જેસિન્ડા આર્ડર્ન સોમવારે સવારે એક ટીવી ચેનલમાં લાઈવ ઈન્ટરવ્યૂ આપી રહ્યા હતા, ત્યારે જ અચાનક ભૂકંપના ઝટકા અનુભવાયા, પરંતુ તેમ છતાં તેમણે લાઈવ ઈન્ટરવ્યૂ ચાલું રાખ્યું. આર્ડર્ને ઈન્ટરવ્યુઅર રયાન બ્રિજને વચ્ચે રોકીને જણાવ્યું કે, ન્યૂઝીલેન્ડની રાજધાની વેલિંગ્ટનમાં સંસદ પરિસરમાં શું થઈ રહ્યું છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:ન્યૂઝીલેન્ડના PMએ કહ્યું, રયન અહીં ભૂકંપ આવ્યો છે. અમને આંચકાનો અનુભવ થયો છે. આ બાદ તેમણે રૂમમાં ડાબી-જમણી બાજુએ જોતા કહ્યું, ‘તમે મારી પાછળ વસ્તુઓને હલતા જોઈ શકો છો’. જોકે ભૂકંપ આવવા બાદ પણ તેમણે ઈન્ટરવ્યૂ ચાલું રાખ્યું અને ઈન્ટરવ્યૂઅરને બતાવ્યું કે હવે આંચકા બંધ થઈ ગયા છે. તેમણે કહ્યું, અમે ઠીક છીએ રયાન. મારી ઉપર લાઈટોએ હલવાનું બંધ કરી દીધું છે, મને લાગે છે કે હું ક મજબૂત બિલ્ડીંગની નીચે બેઠી છું.આ બાદ સોશિયલ મીડિયા પર લોકો ન્યૂઝીલેન્ડના પ્રધાનમંત્રીની ખૂબ પ્રશંસા કરી રહ્યા છે અને તેમનો વિડીયો પણ શેર કરી રહ્યા છે.ઉલ્લેખનીય છે કે ન્યૂઝીલેન્ડ પ્રશાંત મહાસાગરના ‘રિંગ ઓફ ફાયર’ વિસ્તારમાં આવે છે અને અહીં ઘણીવાર ભૂકંપ આવવાથી તેને અસ્થિર દ્વીપ પણ કહેવાય છે. અમેરિકાના ભૂગર્ભીય સર્વેક્ષણ મુજબ, સોમવારે આવેલા ભૂકંપની તીવ્રતા 5.6 હતી અને તેનું કેન્દ્ર ઉત્તરપૂર્વ વેલિંગ્ટનથી 100 કિલોમીટર દૂર દરિયાના પેટાળમાં હતું. જોકે કોઈ પ્રકારના જાનમાલના નુકસાનની ખબર સામે નથી આવી.