કોઈ વ્યક્તિ સાઈકલ ચોરે તેવું તો તમે સાંભળ્યું હશે પણ જો કોઈ વ્યક્તિ સાઈકલની સીટ ચોરે તો? જાપાનમાં 61 વર્ષના વૃદ્ધ વ્યક્તિની પોલીસે ધરપકડ કરી કારણકે તે સાઈકલની સીટ ચોરતો હતો. તેણે આ રીતે કુલ 159 સાઈકલની સીટ ચોરી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો જાપાનના ટોક્યોમાં ગત દિવસોમાં વધી રહેલી સાઈકલની સીટોની ચોરીના કારણે સ્થાનિક લોકોએ પોલીસમાં આ અંગેની ફરિયાદ કરી હતી. પોલીસે જ્યારે સીસીટીવી ફૂટેજ તપાસ્યા ત્યારે જોવા મળ્યું કે એક વૃદ્ધ વ્યક્તિ સાઈકલની સીટ નીકાળીને ભાગી રહ્યો છે. જ્યારે પોલીસ તપાસ કરતા આ વૃદ્ધ વ્યક્તિના ઘરે પહોંચ્યા તો ચોંકી ગયા. કારણકે સાઈકલની સીટો ચોરતા આ 61 વર્ષીય વૃદ્ધના ઘરમાંથી સાઈકલની કુલ 159 સીટો મળી આવી. પોલીસે ચોરાયેલી આ સાઈકલની તમામ સીટો જમા કરી અને તે વ્યક્તિની ધરપકડ કરી. પોલીસે જ્યારે આ વૃદ્ધને સાઈકલની સીટો ચોરવાનું કારણ પૂછ્યું તો જાણવા મળ્યું કે કેટલાંક દિવસો પહેલા કોઈએ આ વૃદ્ધની સાઈકલની સીટ ચોરી હતી અને પછી સાઈકલ પણ ચોરી હતી. દુ:ખી થઈને આ વૃદ્ધ વ્યક્તિએ બદલો લેવાનું વિચાર્યું અને સાઈકલની સીટો ચોરવા લાગ્યો. આ વૃદ્ધ વ્યક્તિએ વધુમાં જણાવ્યું કે આ રીતે સાઈકલની સીટો ચોરીને લોકોને એવું દેખાડવા માગતો હતો કે જો કોઈની સાઈકલની સીટ ચોરાઈ જાય તો કેવું દુ:ખ થાય છે.
સાઈકલની સીટો ચોરતા ઝડપાયો વૃદ્ધ વ્યક્તિ, સામે આવ્યું આ ચોંકાવનારું કારણ
I am Gujarat 15 Oct 2019, 4:42 pm