આ બાળકીને દત્તક લેવા માટે છે 1000થી વધુ લોકો લાઈનમાં

આને કિસ્મત કહો કે પછી માનવતાનું દૃષ્ટાંત. એક નવજાત બાળકીને જન્મ આપતાની સાથે જ તેના માતા-પિતાએ તેને તરછોડી દીધી. માનવતાને શરમજનક સ્થિતિમાં મૂકી દેતા પેરેન્ટ્સે માસૂમને પ્લાસ્ટિક બેગમાં ભરી જંગલમાં છોડી દીધી. પણ હવે બાળકીને 1000થી વધુ લોકો અપનાવવા માગે છે. આ ઘટના અમેરિકાની છે. પ્લાસ્ટિક બેંગમાં આ બાળત પોલીસને મળી. પ્રસાશને તેને ‘બેબી ઈન્ડિયા’નું નામ આપ્યું છે. અમેરિકન પોલીસે 25 જૂનના રોજ એક વિડીયો રજૂ કર્યો હતો. પોલીસે જણાવ્યું કે, તેમને 6 જૂનની રાતે આશરે 10 વાગ્યે એખ પ્લાસ્ટિક બેગમાં આ બાળકી સડક કિનારે ઝાડીઓમાં મળી. પોલીસ હાલ આ બાળકીની સારસંભાળ રાખી રહી છે. આશરે દોઢ મિનિટનો આ વિડીયો જોઈ તમને આંખમાં આસું આવી જશે. વિડીયો રિલીઝ થયાના ત્રણ દિવસની અંદર દુનિયાભરમાંથી આ બાળકીને 1 હજારથી વધુ લોકોએ દત્તક લેવાની ઈચ્છા વ્યક્ત કરી છે. વિડીયો રજૂ કરવા પાછળ પોલીસનો ઉદ્દેશ્ય એવો હતો કે, તેની ઓળખ કરનારું કોઈ મળી જાય. ‘પીપુલ’ના રિપોર્ટ અનુસાર, પોલીસને જ્યાં આ બાળકી મળી તે જગ્યા અટલાન્ટાથી 64 કિમી દૂર છે. લોકો દ્વારા મળી રહેલી પ્રતિક્રિયાથી પોલીસ પણ ગદગદ છે. Forsyth County શેરિફના ઑફિસે બાદમાં સત્તાવાર નિવેદન જૂ કરી લોકોનો આભાર વ્યક્ત કર્યો. પોલીસે પોતાના નિવેદનમાં કહ્યું કે, બાળકી સ્વસ્થ હાલતમાં છે. તેની માતાની શોધ ચાલી રહી છે. ટ્વીટર દ્વારા પોલીસે લોકોને આસપાસની એવી કોઈપણ મહિલાની જાણકારી આપવા માટે કહ્યું છે, જે ગત દિવસોમાં પ્રેગ્નેન્સીના છેલ્લા પડાવમાં હતી. ‘બેબી ઈન્ડિયા’ નામની આ બાળકી અત્યારે જ્યૉર્જિયા ડિપાર્ટમેન્ટ ઑફ ફેમિલી એન્ડ ચિલ્ડ્રન સર્વિસિઝની સારસંભાળમાં છે. પોલીસે જણાવ્યું કે, તેમને 6 જૂનના રોજ એક શખસનો ફોન આવ્યો હતો, જેના પર સૂચના આપવામાં આવી હતી કે, તેને રોડ પરથી પસાર થતી વખતે ઝાડની વચ્ચેથી બાળકીના રડવાનો અવાજ આવ્યો. જ્યારે પોલીસ બાળકી મળી ત્યારે તે થોડા કલાકો પહેલા જ પેદા થઈ હતી.