વર્ષના અંતમાં આવશે કોરોનાની આ બે વેક્સીન, જાણો કોને સૌથી પહેલા મળશે

બિંઘમે કહ્યું છે કે મને લાગે છે કે આપણી પાસે આ વર્ષે વેક્સીન મળવાની તક છે. બે સંભવિત કેન્ડિડેટ છે, એક છે ઓક્સફોર્ડની અને બીજી બાયોનટેકની જર્મન વેક્સીન. તેમણે કહ્યું છે કે આ બંને વેક્સીન એવી છે કે જો બધુ બરાબર રહ્યું તો તેને આ વર્ષે જ ડિલિવર કરી શકાય છે. ઓક્સફોર્ડ અને એસ્ટ્રાઝેનેકાની વેક્સીન આ રેસમાં સૌથી આગળ માનવામાં આવી રહી છે. જોકે, રશિયાએ પોતાની વેક્સીનને રજિસ્ટર કરાવી લીધી છે અને ચીને પણ પોતાની એક વેક્સીનની પેટન્ટ કરાવી લીધી છે.

બિંઘમે તે પણ જણાવ્યું છે કે ઉંમરલાયક લોકોને યુવાનોથી અલગ વેક્સીન આપવાની સંભાવના છે કેમ કે તેમની રોગ પ્રતિકારક શક્તિ નબળી હોય છે. વેક્સીન આપવા માટે 65 વર્ષની ઉંમરના લોકોને પ્રાથમિકતા આપવામાં આવશે. આ સાથે જ બીજી બીમારીઓ ધરાવતા લોકો, ફ્રન્ટલાઈન હેલ્થ અને સોશિયલ કેર વર્કર્સને પણ આ પહેલા આપવામાં આવશે.

બિંઘમે એટલા માટે લોકોને વધારેમાં વધારે સંખ્યામાં ટ્રાયલ માટે રજિસ્ટર કરવાની પણ અપીલ કરી છે. તેમણે કહ્યું છે કે ફક્ત સ્વસ્થ યુવાનો પર ટ્રાયલ કરી શકાય નહીં. તે સુનિશ્ચિત કરવું પડશે કે બ્રિટનમાં ક્ષેત્રીય, શારીરિક સ્વાસ્થ્ય અને ઉમ્રની વિવિધના હિસાબથી આ ટેસ્ટ કરવામાં આવે કે જેથી કરીને અલગ-અલગ રીતે તેની અસરકારકતા જોઈ શકાય છે.

હકિકતમાં અત્યાર સુધી ફક્ત 6 ટકા લોકોએ જ રજિસ્ટર કરાવ્યું છે. બિંઘમે જણાવ્યું છે કે લોકોને શંકા રહે છે. સાથે જ એન્ટી-વેક્સીનેશન કેમ્પેનની પણ અસર પડી છે. જોકે, તેમણે આશ્વાસન આપ્યું છે કે આ ટ્રાયલ પાછળનો હેતુ ફક્ત અસરકારક અને સુરક્ષિત વેક્સીન શોધવાનો છે. પશ્ચિમના દેશોમાં મોટી સંખ્યામાં લોકો વેક્સીનેસન વિરુદ્ધ છે. તેમનો દાવો છે કે મોટી કંપનીઓ અને સરકારો આના દ્વારા લોકોને છેતરી રહી છે.