Pakistan: કરાચી શહેરના બજાર વિસ્તારમાં મોડી રાત્રે વિસ્ફોટ, એકનું મોત, 13 ઈજાગ્રસ્ત

Pakistan: પાડોશી દેશ પાકિસ્તાનના કરાચી(Karachi) શહેરમાં મોડી રાત્રે એક ધમાકેદાર બ્લાસ્ટ થયો હતો. પોલીસ દ્વારા પ્રાપ્ત જાણકારી અનુસાર બ્લાસ્ટ કરાચીના સદર વિસ્તારમાં થયો હતો. ધમાકો એટલો ભયાનક હતો કે આસપાસ ઉભેલી ગાડીઓના ફુરચા ઉડી ગયા હતા અને ચારેબાજુ અફરાતફરી મચી ગઈ હતી. પોલીસ દ્વારા પ્રાપ્ત જાણકારી અનુસાર, ધમાકો એક કચારના ડબ્બામાં થયો હતો. આ બ્લાસ્ટમાં એક વ્યક્તિનું મૃત્યુ થયું હોવાની જાણકારી સામે આવી રહી છે અને 13 લોકો ઈજાગ્રસ્ત થયા છે. બ્લાસ્ટનું CCTV ફૂટેજ પણ સામે આવ્યું છે, જેમાં જોઈ શકાય છે કે ધમાકા પછી કેવી રીતે આસપાસ આગ લાગી હતી અને લોકો પોતાનો જીવ બચાવવા માટે ભાગી રહ્યા હતા.

DIG શરજીલ ખરાલે જણાવ્યું કે, વિસ્ફોટને કારણે અનેક વાહનોને નુકસાન પહોંચ્યું છે. જ્યારે આસપાસની ઈમારતોની બારીઓ પણ તૂટી ગઈ છે. કરાચીના એડમિનિસ્ટ્રેટર મુર્તઝા વહાબ ઈજાગ્રસ્તોને મળવા માટે જિન્ના હોસ્પિટલ પહોંચ્યા હતા. તેમણે હોસ્પિટલ તંત્રને આદેશ આપ્યો કે ઈજાગ્રસ્ત લોકોને શ્રેષ્ઠ સુવિધા પૂરી પાડવામાં આવે.

ભારત સાથે ફરી વેપાર શરૂ કરવાની તૈયારી કરી રહ્યું છે પાકિસ્તાન?
ઉલ્લેખનીય છે કે કરાચીની તમામ સરકારી હોસ્પિટલોમાં કટોકટીની સ્થિતિ લાગુ કરવામાં આવી છે. ઉલ્લેખનીય છે કે ઈજાગ્રસ્ત લોકોમાં બે સરકારી કર્મચારી પણ સામેલ છે. મૃતકની ઓળખ ઉમર સિદ્દીકી તરીકે થઈ છે, જે જિન્ના હોસ્પિટલમાં ટ્રેની ઓપરેશન થિયેટર ટેક્નિશિયન તરીકે કામ કરતો હતો. પહેલા સાત ઈજાગ્રસ્તો અને એક મૃતદેહને હોસ્પિટલ લાવવામાં આવ્યા હતા, તેમાંથી એકની સ્થિતિ ગંભીર છે. ડીઆઈજી સાઉથ દ્વારા મુખ્યમંત્રી મુરાદ અલી શાહને સોંપવામાં આવેલી પ્રાથમિક જાણકારી અનુસાર, એક સાયકલમાં IED લગાવવામાં આવ્યો હતો.

શ્રીલંકામાં તોફાનીઓને જોતાં જ ગોળી મારવાનો આદેશ, સેનાને અપાઈ છૂટ
જિયો ન્યુઝ દ્વારા પ્રાપ્ત જાણકારી અનુસાર, આર્મીના એક વાહન પર નિશાન સાધવામાં આવ્યુ હતું કારણે તે જ વિસ્ફોટ સ્થળ પાસે ઉભુ હતું. વાહનમા સવાર તમામ લોકો સુરક્ષિત છે. બીડીએસના અધિકારીઓ અનુસાર, ટાઈમ ડિવાઈસનો ઉપયોગ કરીને બ્લાસ્ટ કરવામાં આવ્યો હતો.