ભારત-ચીન વચ્ચે લડાઈ શરૂ અને 158 ભારતીય સૈનિકો શહીદ! જાણો શું છે સાચી વાત

I am Gujarat

ભારત-ચીન લડાઈના મેસેજ વાયરલ

એક વેબસાઈટના અહેવાલ મુજબ પાકિસ્તાનમાં છેલ્લા ત્રણ દિવસોથી એવા સમાચારો ફરી રહ્યા છે કે ચીનએ સિક્કિમ બોર્ડરે ભારત પર હુમલો કરી 158 સૈનિક માર્યા છે. ત્યાંના મેઈનસ્ટ્રીમ મીડિયાથી લઈને સોશિયલ મીડિયા આ ફોટોગ્રાફ સાથે આવા સમાચારો ખુબ વાયરલ થયા છે. જેમાં કહેવામાં આવી રહ્યું છે કે ચીને ભારત સામે હાથ ખોલી દીધા છે.

પાક ટીવી પર ખોટા સમાચારો

રિપોર્ટરે કંઈક અલગ જ રિપોર્ટ કર્યો

દુનિયા ન્યૂઝ પર આ સમાચાર વાંચનારી એન્કરે રિપોર્ટર સાથે વાત કરી અને તેમના રિપોર્ટર ઈમરાન કંઈક અલગ જ રિપોર્ટ આપ્યો તેણે કહ્યું કે, ‘ચીની સૈનિકોએ વારંવાર ભારતીય સૈનિકોને સિક્કિમના તે વિસ્તારથી હટવા માટે કહ્યું હતું. ભારતીય સૈનિકોએ જગ્યા ખાલી ન કરી તો, ચીની સૈનાએ હુમલો કર્યો.’

ડોકલામમાં ચીનની ઘૂસણખોરી

પાકિસ્તાનમાં ચાલી રહ્યા છે ખોટા સમાચાર આ સમાચાર પર લોકો એટલા માટે સાચી માની રહ્યા છે કેમ કે સિક્કિમ બોર્ડર પર છેલ્લા એક મહિનાથી ભારત અને ચીની સેના વચ્ચે તણાવ ચાલી રહ્યો છે. તે ભૂટાનનો ડોકલામ વિસ્તાર છે, જેને ચીન પોતાનો ગણાવી કંસ્ટ્રક્શન કરી રહ્યું છે. ભારત આ મામલે ભૂટાન સાથે છે.

શું છે આ ફોટોગ્રાફની સાચી વાત

આવા ખોટા સમચારો અંગે તપાસ કરતા જાણવા મળ્યું કે આ એક અફવા છે. લાખો લોકોને ખોટા માર્ગે દોરવામાં આવી રહ્યા છે. ખોટા રિપોર્ટને કારણે પાકિસ્તાની મીડિયાને નીચું જોવા જેવું થયું છે. જે ફોટોને આધારે પાકિસ્તાને આ સમાચારો ચલાવ્યા છે તે ફોટો આ 25 મે 2017ના રોજના છે. જ્યારે અરૂણાચલ પ્રદેશના તવાંગ વિસ્તારમાં સૈનિકોની ટ્રેનિંગ ચાલી રહી હતી. એક્સરસાઈઝ દરમિયાન મોર્ટારની દિશા બદલાઈ ગઈ અને સેનાની પાર્કિગમાં પડેલી ટ્રક પાસે જઈ પડ્યો. આ અકસ્મતાથી ટ્રકમાં આગ લાગી ગઈ. સાથે એક સૈનિકનું મોત પણ થયું હતું. આ કોઈ યુદ્ધ કે હુમલો ન હતો.

ભારતીય મીડિયામાં તે સમાચારની નોંધ લેવાઈ હતી

અરૂણાચલ પ્રેદેશમાં ટ્રેનિંગ કેમ્પ દરમિયાન થયેલા અકસ્માત અંગે ભારતીય મીડિયાએ નોંધ લીધી હતી. જેમાં એક જવાન શહીદ અને 6 ઈજાગ્રસ્ત થયા હોવાનું કહેવામાં આવ્યું હતું.