કાશ્મીર માટે કેનેડામાં રેલી કરી રહ્યાં હતા પાકિસ્તાની, એકલો 'ઈન્ડિયન' સામે પડ્યો

I am Gujarat

કેનેડામાં 370ના વિરોધમાં પાકિસ્તાનીઓની રેલી

સોશિયલ મીડિયા પર એક વીડિયો વાયરલ થઈ રહ્યો છે. જણાવવામાં આવી રહ્યું છે કે, આ વિડીયો કેનેડાનો છે જ્યાં પાકિસ્તાની સમર્થકો કાશ્મીર માટે પ્રોટેસ્ટ કરી રહ્યાં હતા પણ રોડની બાજુમાં ઊભેલો એક ઈન્ડિયન તેમની સામે પડે છે. વિડીયો તે જ વ્યક્તિએ બનાવ્યો છે અને હવે તે વાયરલ થઈ રહ્યો છે. વિડીયો બનાવવાની સાથે તે શખસ કહી રહ્યો છે કે – કાશ્મીરને ભૂલી જાઓ, હવે PoKનો વારો છે.

‘ભારતીય’ સામે પડ્યો

શું છે વિડીયોમાં?

મીડિયા રિપોર્ટ્સ અનુસાર, આ વિડીયોમાં પાકિસ્તાની સમર્થકો કાશ્મીર સાથે ઊભા રહેવાની વાત કરી રહ્યાં છે. જણાવવામાં આવી રહ્યું છે કે, આર્ટિકલ 370 હટાવાયા બાદ તેનો વિરોધ કરતા પાકિસ્તાનીઓએ આ રેલી કરી હતી. જોકે, રેલી, ઘટના અને આ બધું ક્યારે થયું તેની કોઈ પુષ્ટિ નથી.

નારાઓમાં PM મોદીનો પણ ઉલ્લેખ

બીજી તરફ, પાકિસ્તાનીઓ જે નારા લગાવી રહ્યાં છે તેમાં PM નરેન્દ્ર મોદીનો પણ ઉલ્લેખ છે. વિડીયો બનાવનારો ભારતીય કહે છે કે, ‘કાશ્મીરને ભૂલી જાઓ, તેના માટે ન રડો. હવે અમે PoK પર કબજો કરીશું.’ કેટલાક લોકો તેને આવું કરતા રોકે છે, તો તે એમને કહે છે કે, મને અડવાનો પ્રયત્ન ન કરતા. આ મારો અધિકાર છે.