નવી દિલ્હીઃ જમ્મુ-કાશ્મીરમાંથી આર્ટિકલ 370 દૂર કર્યા પછી દુનિયાભરમાંથી કોઈપણ ભાવ ન મળ્યા પછી પાકિસ્તાન જ્યારે પીઓકેના લોકોની મદદ લેવાની તૈયારીમાં છે. ભારતીય સેનાના સૂત્રોના જણાવ્યાનુસાર પાક આર્મીએ પીઓકેના સ્થાનીક લોકો સાથે મળીને એક માર્ચ કાઢવાની તૈયારી કરી હતી. આ માર્ચ પાક અધિકૃત કાશ્મીરથી લાઈન ઓફ કંટ્રોલ સુધી કાઢવાની તૈયારી છે. સેનાના સૂત્રો અનુસાર પાકિસ્તાને આર્ટિકલ 370 પર કાશ્મીરમાં અશાંતિ ફેલાવવાના હેતુથી આ તૈયારી કરી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો ભારતીય સેનાની પૂરી તૈયારી ભારતીય સેનાના જણાવ્યાનુસાર તેણે પાક આર્મી દ્વારા પ્રાયોજિત આ માર્ચને અસફળ કરવાની પૂરતી તૈયારી કરી છે. નોંધનીય છે કે ભારતે 5 ઓગસ્ટના રોજ જમ્મુ-કાશ્મીરને વિશેષ દરજ્જો આપતા આર્ટિકલ 370ને સમાપ્ત કર્યું હતું. આ ઉપરાંત વિસ્તારના બે કેન્દ્ર શાસિત પ્રદેશો, જમ્મુ-કાશ્મીર અને લદ્દાખમાં વિભાજીત કરવાનો નિર્ણય કર્યો હતો. બધા દેશ પાસે કરી કાકલૂદી પણ… ભારતના આ નિર્ણય પર પાકિસ્તાને પ્રોપેગેન્ડા ચલાવતા સંયુક્ત રાષ્ટ્ર સંઘમાં કાશ્મીરી લોકો પર અત્યાચાર કરવાનો ભારત પર આરોપ લગાવ્યો હતો. આ ઉપરાંત તેણે ઈસ્લામિક રાષ્ટ્ર સહિત તમામ દેશો સુધી પણ આ પ્રોપેગેન્ડા ફેલાવવાની કોશિશ કરી હતી. જોકે, રશિયા અને સાઉદી અરબ જેવા દેશોએ પાકિસ્તાનને તગડો ઝટકો આપતા આર્ટિકલ 370 દૂર કરવાને ભારતની આંતરિક બાબત ગણાવી હતી.