ગજબ લગ્નઃ બે દેશની સરહદ પર લગ્ન, મહેમાનોએ દૂર દૂરબીનથી વિધિ જોઈ એન્જોય કર્યું

દુનિયામાં કોરોનાનાં કારણે તમામ પ્રકારના સાર્વજનિક સમારોહ સ્થગિત કરવામાં આવ્યા છે, લગ્ન પણ રદ કરવામાં આવ્યાં છે. તો કેટલાક લોકો કોરોના સંબંધિત ગાઈડલાઈનને અનુસરીને લગ્ન કરી રહ્યાં છે. યુએસ અને કેનેડાના આવા જ એક કપલનાં લગ્ન ચર્ચામાં છે. અમેરિકામાં બહારના લોકોનો પ્રવેશ પર હજી પણ પ્રતિબંધિત હોવાને કારણે આ કપલે યુએસ અને કેનેડાની બોર્ડર પર જઈને લગ્નની વિધિ પૂર્ણ કરી.

તેઓ ઈચ્છતા હતા કે, તેમની ફેમિલી બંને દેશોની બોર્ડર પર આવીને દૂર સમારોહના સાક્ષી બને અને તેમને આશીર્વાદ આપે. આ કપલનો બોર્ડર પર લગ્ન કરવાનો ઇનોવેટિવ આઈડિયા સોશિયલ મીડિયા પર ઘણો વાઈરલ થઈ રહ્યો છે. લોકો તેની પ્રશંસા કરી રહ્યા છે.

અમેરિકાની રહેવાસી દુલ્હન લિન્ડસે ક્લોઝ અને કેનેડાનો દુલ્હો એલેક્સ લેકીએ કેનેડાના ન્યૂ બ્રન્સવિક પ્રાંતની સેન્ટ ક્રિક્સ નદીના કિનારે લગ્નનું આયોજન કર્યું હતું. અહીં અમેરિકાની બોર્ડર પર દુલ્હન અને કેનેડાની બોર્ડર પર દૂલ્હાના પરિવારના સભ્યો દૂરબીનથી લગ્નની વિધિ જોઈ રહ્યા હતા.

આ દૃશ્ય એવું હતું કે નદીના એક કિનારે લગ્ન થઈ રહ્યા છે અને બીજા કિનારા પર દુલ્હનનો પરિવાર છે. તે લોકો હાથ હલાવીને કપલનો ઉત્સાહ વધારી રહ્યા હતા. નદી પર બનેલા પિકનિક સ્પોટ પર પાદરીની સાથે દુલ્હા-દુલ્હન અને તેમના કેટલાક મહેમાનો હાજર રહ્યા હતા.

દુલ્હન લિન્ડસેના જણાવ્યા પ્રમાણે, તેણે પોતાની માતાને આ પ્લાન જણાવ્યા હતો અને તેમને તરત જ મેયર સ્ટીફનને ફોન કર્યો. મેયરે કેટલાંક સૂચનો આપતાં કહ્યું કે- આ શક્ય છે. ત્યારબાદ સ્થાનિક પ્રશાસનને લગભગ 30 મહેમાનોની યાદી મોકલવામાં આવી અને સોશિયલ ડિસ્ટન્સિંગ રાખવાની શરતે લગ્ન કરવાની છૂટ મળી. અમારા આખા સમારોહનો વીડિયો પ્રશાસનને બતાવવો પણ જરૂરી હતો કે અમે તમામ નિયમોનું પાલન કર્યું છે, તેમજ ધ્યાન રાખવા માટે કેટલાક અધિકારીઓ પણ હાજર હતા.