સંયુક્ત રાષ્ટ્ર: અમેરિકાના હ્યુસ્ટનમાં ‘હાઉડી મોદી’ ઈવેન્ટના બીજા દિવસે આજે વડાપ્રધાન મોદીએ જળવાયુ પરિવર્તનના મુદ્દે સંયુક્ત રાષ્ટ્રને સંબોધન કર્યું. તેમણે દુનિયાના દેશોને આ દિશામાં ગંભીર થવાની વાત કરી. તેમણે સ્પષ્ટ કહ્યું કે હવે વાત કરવાનો સમય પસાર થઈ ગયો છે અને હવે દુનિયાને કામ કરવાની જરૂર છે. આ દિશામાં જેટલા પ્રયાસ થવા જોઈએ તેટલા નથી થઈ રહ્યા.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોઆ પહેલા પીએમ મોદીએ કહ્યું કે આ સુખદ સંયોગ છે કે ન્યૂયોર્કમાં મારી પહેલી સભા ક્લાઈમેટ ચેન્જ પર થઈ રહી છે. આજે જરૂરિયાત છે એક સમાવેશ પ્રયાસની કે જેમાં શૈક્ષણિક મૂલ્યો, લાઈફસ્ટાઈલ અને ડેવલપમેન્ટની અવધારણાને બદલવા પર કામ કરવામાં આવે. જ્યારે પીએમ મોદી મંચ પરથી બોલી રહ્યા હતા ત્યારે સામે બેઠેલા અમેરિકાના રાષ્ટ્રપતિ ડૉનાલ્ડ ટ્રમ્પ તાળીઓ વગાડી રહ્યા હતા.
પ્રકૃતિનું સન્માન અને પ્રાકૃતિક સંસાધનોનું સંરક્ષણ આપણી પરંપરા અને વર્તમાન નીતિનો ભાગ છે. લાલચ નહીં પણ જરૂરિયાત પૂરી કરવાનો આપણો સિદ્ધાંત રહ્યો છે. માટે ભારત આજે આ વિષય પર માત્ર વાત કરવા નહીં પણ વ્યવહારિક વિચાર અને રોડમેપ સાથે આવ્યું છે. અમે ભારતમાં ફ્યૂલમાં નોન ફોસિલ ફ્યૂલની ભાગીદારી વધારી રહ્યા છીએ. 2022 સુધી નવીનીકરણીય ઉર્જાને અમે 170 ગીગાબાઈટ સુધી લઈ જઈ રહ્યા છીએ. આ સિવાય પેટ્રોલ ડીઝલમાં બાયોફ્યુલનું મિશ્રણ અને ઈલેક્ટ્રિક વ્હીકલ્સને પ્રોત્સાહન આપી રહ્યા છીએ.વોટર કન્ઝર્વેશન અને રેઈન વોટર હાર્વેસ્ટિંગ માટે મિશન જળશક્તિ લોન્ચ કર્યું છે. અમારી ઈન્ટરનેશનલ સોલર અલાયન્સની મૂવમેન્ટ સાથે 80 દેશ જોડાઈ ચૂક્યા છે. કોએલિશન ફોર ડિઝાસ્ટર રીસાઈલેન્ટ ઈન્ફ્રાસ્ટ્રક્ચરની શરૂઆત કરી રહ્યા છીએ. સ્વતંત્રતા દિવસે અમે સિંગલ યૂઝ પ્લાસ્ટિકનો ઉપયોગ નહીં કરવાની જાહેરાત કરી છે. તેમણે જણાવ્યું કે સંયુક્ત રાષ્ટ્રના આ મકાનમાં અમે ભારત તરફથી લગાવવામાં આવેલા સોલાર પેનલનું ઉદ્ઘાટન કરીશું. વાત કરવાનો સમય હવે પૂર્ણ થઈ ગયો છે અને દુનિયાએ હવે કામ કરવાની જરૂર છે.
