G-20 સમિટમાં મોદીએ પાકિસ્તાનને મહેણાં માર્યા

હાંગચો: પ્રધાનમંત્રી નરેન્દ્ર મોદીએ ચીનમાં ચાલી રહેલી G-20 સમિટમાં વિશ્વભરના શક્તિશાળી નેતાઓ સામે પાકિસ્તાન પર આકરા શબ્દોમાં આકરા પ્રહાર કર્યા છે. મોદીએ કહ્યું કે આતંકવાદી માત્ર આતંકવાદી હોય છે. મોદીએ પાકિસ્તાનનું નામ લીધા વગર કહ્યું કે સાઉથ એશિયામાં એકમાત્ર દેશ અમારા વિસ્તારોમાં આતંકવાદીઓના એજન્ટને ફેલાવી રહ્યું છે.

મોદીએ ઈન્ટરનેશનલ કોમ્યૂનિટીને આગ્રહ કર્યો છે કે તે આતંકવાદ પર બેવડું વલણ ના અપનાવે. જે લોકો આતંકવાદનું સમર્થન કરે છે તેમને અલગ કરી દેવા જોઈએ. પીએમ મોદીએ આતંકવાદ વિરુદ્ધ વિશ્વ સમુદાયને એક થવાની અપીલ કરી છે. મોદીએ કહ્યું કે ભારતની નીતિ આતંકવાદને બિલકુલ ના સહી લેવાની છે. 2014માં ભારતની કમાન સંભાળ્યા બાદ મોદીએ કોઈ ઈન્ટરનેશનલ મંચ પર પાકિસ્તાન વિરુદ્ધ પહેલી વાર આટલા તીખા વાર કર્યા છે. મોદીએ ચીનમાં આ નિશાન સાધ્યું છે, જે પાકિસ્તાનનું ખાસ મિત્ર છે.

પીએમ મોદીએ જળવાયુ પરિવર્તન પર પણ પોતાની વાત મુકી. તેમણે વિશ્વ નેતાઓને કહ્યું કે આપણી લાઈફસ્ટાઈલ પ્રકૃત્તિ વિરુદ્ધ ના હોવી જોઈએ અને તેમાં સમાનતા પર ભાર મુકવો જોઈએ. મોદીએ ક્લાઈમેટ ચેન્જના પ્રશ્ન પર વિકાસશીલ દેશોને ટેક્નોલોજી પુરી પાડવાની માંગ કરી છે.