PM મોદી સોમવારથી રશિયાના પ્રવાસે, પુટિન સાથેની મુલાકાત કંઈક 'હટકે' હશે

ANI, સોચિઃ વડાપ્રધાન નરેન્દ્ર મોદી સોમવારે રશિયાની યાત્રા પર જઈ રહ્યા છે. જોકે, આ તેમની રશિયાની આ પહેલી યાત્રા નથી પણ આ યાત્રા બાકી યાત્રાઓથી અલગ રહેશે દેવો દાવો કરવામાં આવ્યો છે. રશિયામાં ભારતના રાજદૂત પકંજ સારને જણાવ્યું કે, ફરી રાષ્ટ્રપતિ પસંદ કરાયાના 2 અઠવાડિયાની અંદર વ્લાદિમીર પુતિને વડાપ્રધાન મોદીને આમંત્રણ આપ્યું હતું. પંકજ સારને એએનઆઈ સાથે કરેલી વાતચીતમાં જણાવ્યું કે, “વડાપ્રધાન મોદી અને રાષ્ટ્રપતિ પુતિન વચ્ચે મહત્વની બેઠક થશે. તમામ બેઠકો કરતા આ બેઠક એટલા માટે અલગ છે કારણ કે વડાપ્રધાન પુતિને ચોથી વખત વડાપ્રધાન બનવાના બે અઠવાડિયા પછી તમામ મુદ્દા પર ચર્ચા કરવા માટે આમંત્રણ આપ્યું છે. તેમણે આગળ કહ્યું છે કે આ બન્ને વચ્ચેની કેમેસ્ટ્રી માટે ઘણી સારી તક છે.” આગળ સારને જણાવ્યું કે, “બન્ને નેતા આંતરાષ્ટ્રીય ક્ષેત્રે એક બીજાની અર્થવ્યવસ્થા અને પ્રભાવને સારો બનાવવા માટેના સહયોગ પર ચર્ચા થશે.” જણાવી દઈએ કે વડાપ્રધાન નરેન્દ્ર મોદી રશિયાની સોચિમાં 21મેએ વ્લાદિમીર પુતિન સાથે બિનસત્તાવાર મુલાકાત માટે પહોંચશે. જણાવી દઈએ કે, આ દરમિયાન એક માસ પહેલા વડાપ્રધાન મોદી અને ચીન રાષ્ટ્રપતિ શી જિનપિંગ સાથે આ પ્રકારની અનૌપચારિક બેઠક કરી. રાજદૂતે જણાવ્યું કે, દ્વિપક્ષીય સબંધો પર વાતચીત સિવાય વડાપ્રધાન અને પુતિન ઈરાન ન્યુક્લિયર ડીલથી અમેરિકાના અલગ થવાના પ્રભાવ પર પણ ચર્ચા કરશે. ભારત અને રશિયા બન્ને જ આતંકવાદના પીડિત છે માટે બન્ને પક્ષો ISISના ખતરા અને અફઘાનિસ્તાન-સીરિયાની સ્થિતિ પર પણ ચર્ચા કરશે. આ દરમિયાન પરમાણુ ક્ષેત્રે પણ સહયોગને લઈને વાતચીત થઈ શકે છે તેમ સારને જણાવ્યું. વડાપ્રધાન મોદીને સોચિ એરપોર્ટ પર રશિયાના ટોપ અધિકારીઓ સ્વાગત કરવા માટે પહોંચશે. આ પછી તેઓ પુતિનના રિજોર્ટ પર જશે. જણાવી દઈએ કે સોચિ રશિયા માટે મહત્વનું શહેર માનવામાં આવે છે. સારને જણાવ્યું કે આ વર્ષના અંત સુધી પુતિન પણ ભારતનો પ્રવાસ કરશે. પાછલા દસ વર્ષોમાં પુતિને ઘણાં દેશોના નેતાઓ સાથે મુલાકાત કરી છે.