જાપાનઃ કોરોના વાયરસ લોકડાઉન પછી ભલે હાલાત થોડા થોડા સુધરી રહ્યાં હોય અને કેટલીક પ્રોફેશનલ સ્પોર્ટ્સ લીગ પણ શરુ થઈ હોય પરંતુ સ્ટેડિયમમાં ફેન્સ તો દેખાતા જ નથી. કેટલીક જગ્યાએ ફેન્સ વગર જ રમત રમાઈ રહી છે તો જાપાન એક નવા જ ઉકેલ સાથે સામે આવ્યું છે. અહીં રમત દરમિયાન એક શાનદાર દ્રશ્ય જોવા મળ્યું હતું. અહીં રમત દરમિયાન ટીમ્સનો ઉત્સાહ વધારવા માટે રોબોટ્સ સ્ટેડિયમમાં પહોંચ્યાં હતાં.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
જાપાનની બાસ્કેટબોલ ટીમ Fukuoka SoftBank Hawks તરફથી તાજેતરમાં જ Rakuten Eaglesની સાથે એક પ્રોફેશનલ રમત રમાઈ હતી. આ ગેમ દરમિયાન Softbank કંપની તરફથી 20થી વધુ રોબોટ્સ સ્ટેડિયમ મોકલવામાં આવ્યાં હતાં. આ રોબોટ્સે કોરિયોગ્રાફ્ડ સ્ટાઈલમાં ટીમના ફ્લાઈટ સોંગ પર ડાન્સ કર્યો હતો. ખાલી સ્ટેડિયમમાં પોડિયમ પર રોબોટ્સનો હટકે ડાન્સ જોવાલાયક હતો.
ફેન્સની જેમ કર્યો ડાન્સ
સ્ટેડિયમ આવેલા રોબોટ્સમાં Softbankના હ્યુમેનોઈડ Pepper રોબોટ ઉપરાંત Boston Dynamicsના ડોગ રોબોટ્સ Spot પણ જોવા મળ્યા હતાં. ચાર પગવાળા ડોગ રોબોટ્સે તો પોતાની ફેવરિટ ટીમની કેપ પણ પહેરી હતી અને ફ્લેગ પણ હતાં. રોબોટ્સ એ જ રીતે અને એ જ સ્ટાઈલમાં ડાન્સ કરતા જોવા મળ્યા હતાં. જે કોરોના પહેલાના સમયમાં ફેન્સ કરતાં હતાં.
ડોક્ટર્સની મદદ પણ કરી
આશરે 40,000 દર્શકોની ક્ષમતા ધરાવનાર સ્ટેડિયમમાં રોબોટ્સે બતાવ્યું કે એન્જિનિયરિંગે તેમને કેટલા ઉમદા બનાવ્યા છે. એન્જિનિયર્સ તરફથી અલગ-અલગ ફંક્શન્સવાળા રોબોટ્સને ડિઝાઈન કરવામાં આવી રહ્યાં છે. આવા અનેક રોબોટ્સ તૈયાર થઈ રહ્યાં છે. જેમના પ્રોગ્રામિંગમાં ફેરફાર કરીને તેમને અનેક કામ માટે તૈયાર કરવામાં આવે છે. કેટલાક રોબોટ્સ કોરોનાના મુશ્કેલ સમયમાં ડોક્ટર્સની મદદ પણ કરી રહ્યાં છે.