રશિયાએ બીજી કોરોના વેક્સીનને આપી મંજૂરી, ડે. પીએમને પણ લગાવી આ રસી

મોસ્કો : રશિયાએ કોવિડ-19ની બીજી વેક્સીનને શરૂઆતી ટ્રાયલ પછી મંજૂરી આપી છે. રાષ્ટ્રપતિ વ્લાદિમીર પુતિને બુધવારે એક સરકારી બેઠકમાં આ જાહેરાત કરી હતી. વેક્સીનને સાઇબેરિયામાં વેક્ટર સંસ્થાન દ્વારા વિકસિત કરવામાં આવી છે અને તેણે ગત મહિને પ્રારંભિક તબક્કાના માનવ પરિક્ષણોને પુરા કરી લીધા છે. જોકે પરિણામ હજુ સુધી પ્રકાશિત થયા નથી અને મોટા પ્રમાણમાં પરિક્ષણ, જે ત્રીજા ચરણના રૂપમાં ઓળખાય છે, તે હજુ સુધી શરૂ થયા નથી.

રશિયાના સરકારી ટીવી પર પ્રસારિત નિવેદનમાં પુતિને કહ્યું કે અમારે પહેલી અને બીજી વેક્સીનનુ ઉત્પાદન વધારવાની જરૂર છે. અમે પોતાના વિદેશી સહયોગીઓ સાથે સહયોગ કરવાનું યથાવત્ રાખીશું અને વિદેશોમાં પોતાની વેક્સીનને વધારીશું, પેપ્ટાઇડ આધારિત EpiVacCorona નામની આ વેક્સીન છે. રશિયામાં ઉપયોગ માટે લાયસન્સ મેળવવાના મામલામાં બીજા નંબરે છે. નોવોસિબિર્સ્કમાં 18 અને 60 વર્ષની ઉંમરમાં 100 વોલેન્ટિયર્સ પર એક પ્લેસબો નિયંત્રિત પરિક્ષણ કરવામાં આવ્યું છે.

TASS સમાચાર એજન્સીએ ઉપભોક્તા સુરક્ષા પ્રહરી Rospotrebnadzor, જે સંસ્થાની દેખરેખ કરે છે તેના હવાલાથી જણાવ્યું કે એપીવૈકકોરોનાનું મોટા પ્રમાણમાં માનવ પરિક્ષણ નવેમ્બર કે ડિસેમ્બરમાં શરૂ થવાની સંભાવના છે. ઇન્ટરફેક્સ સમાચાર એજન્સી પ્રમાણે ટ્રાયલમાં 30,000 વોલેન્ટિયર્સ સામેલ થાય તેવી આશા છે. જેમાં પહેલા 5000 સાઇબેરિયાના નિવાસી હશે.

આ પહેલા મોસ્કોના ગેમાલેયા સંસ્થાન દ્વારા વિકસિત સ્પુતનિક વી ને ઓગસ્ટમાં ઘરેલું ઉપયોગ માટે લાયસન્સ આપવામાં આવ્યું હતું. આ વેક્સીન એડેનોવાયરસ વેક્ટરના આધાર પર, ત્રીજા તબક્કાના પરિક્ષણો પહેલા પણ પંજીકૃત હતી. મોસ્કોમાં હાલ 40,000 લોકો પર તેનું પરિક્ષણ ચાલી રહ્યું છે.