ચીન, અમેરિકા અથવા બ્રિટન, કોણ મારશે બાજી?
વેક્સીન ડેવલપમેન્ટનું જે સ્ટેટસ છે. તેના હિસાબે 3 દેશોની વેક્સીન ફેઝ-3 એટલે કે અંતિમ સમયની ટ્રાયલ્સમાંથી પસાર થઈ રહ્યું છે. જેમાં સૌથી એડવાન્સ વેક્સીન ઓક્સફર્ડ યુનિવર્સિટી અસ્ત્રાજેનેકાની વેક્સીન જણાવવામાં આવી છે. જે પછી અમેરિકન કંપની મોડર્નાની વેક્સીન છે. જેનું એક મોટું ટ્રાયલ અમેરિકામાં થઈ રહ્યું છે. ચીને કોવિડ-19ની 3 વેક્સીન બનાવી છે. જેનો અલગ અલગ દેશમાં ફેઝ-3 ચાલી રહ્યો છે.
ચીનના આગળ નીકળવાના ચાન્સ સૌથી વધારે
ચીનની CanSino Biologicsની વેક્સીનને હ્યુમન ટ્રાયલની મંજૂરી મળી ચૂકી છે. ફાયનાન્શિયલ ટાઈમ્સના રિપોર્ટ અનુસાર, આ વેક્સીન ચીની સેનાના જવાનોને લગાવવામાં આવી રહી છે. એટલે કે રશિયાની જેમ જ ચીન પણ વેક્સીન ડેવલપમેન્ટના રસ્તે આગળ વધી રહ્યું છે. હાલ આ વેક્સીનની મોટી ટ્રાયલ સાઉદી અરબમાં શરુ થવાનું છે.
UKની વેક્સીન પણ મજબૂત દાવેદાર
યુનિવર્સીટી ઓફ ઓક્સફર્ડ અને અસ્ત્રાજેનેકાએ ચિમ્પાન્ઝી વાયરસથી વેક્સીન બનાવી છે. જેમાં કોરોના વાયરસ પર મળનાર પ્રોટીન સ્પાઈક્સનું જેનેટિક કોડનો પણ સમાવેશ થાય છે. જે શરીરમાં મજબૂત ઈમ્યુન રિસ્પોન્સ ઉત્પન્ન કરે છે. આ વેક્સીન મોટાભાગના એક્સપર્ટ્સની નજરમાં દુનિયાની સૌથી એડવાન્સ વેક્સીન છે. જોકે, તેના વર્ષના અંતે અથવા તો 2021ની શરુઆતમાં લોન્ચ થવાની શક્યતા છે. હાલ આ વેક્સીનના ફેઝ 3નું ટ્રાયલ યુકે ઉપરાંત બ્રાઝીલ અથવા તો સાઉથ આફ્રિકામાં ચાલી રહ્યું છે.
અમેરિકા પણ રસીની રેસમાં પાછળ નહીં
અમેરિકન કંપની Modernaની વેક્સીન ફેઝ 3 ટ્રાયલમાં છે. આ મેસેન્જર RNA (mRNA)નો ઉપયોગ કરવાનો છે અને શરીરને વાયરલ પ્રોટીન્સ બનાવવા માટે મજબૂર કરે છે. જોકે, મુશ્કેલી એવી છે કે આજ સુધી આ સંક્રમિત બીમારી માટે કોઈપણ mRNA વેક્સીન એપ્રૂવ કરવામાં નથી આવી અને મોર્ડના પહેલા ક્યારેય વેક્સીન લઈને આવી નથી. જોકે, વેક્સીનના સમર્થક કહે છે કે મોટાભાગે રસી બનાવવી સરળ રહેશે.