ઓક્ટોપસને 'હથિયાર' બનાવી રહ્યું છે રશિયા, સમુદ્રમાં અમેરિકન કિલર ડોલ્ફિનને આપશે ટક્કર

મોસ્કોઃ વિશ્વમાં સતત બદલાતા સુરક્ષા પડકારોનો સામનો કરવા રશિયાએ મોટી તૈયારીઓ શરૂ કરી દીધી છે. યુદ્ધમાં સૈનિકોને ઘાયલ થતાં બચાવવા માટે રશિયન રાષ્ટ્રપતિ વ્લાદિમીર પુટિન દરિયાઇ જીવોને નવા શસ્ત્ર તરીકે વિકસાવી રહ્યા છે. એક રશિયન વૈજ્ઞાનિકે દાવો કર્યો છે કે પુટિનના આદેશ પ્રમાણે આર્કટિકમાં એક ભૂગર્ભ તળાવમાં કિલર ઓક્ટોપસના બેચ તૈયાર કરવામાં આવી રહ્યા છે. આ પ્રાણી 150 ફૂટના અંતરે કોઈપણ વ્યક્તિનો શિકાર કરી શકે છે.

ઓક્ટોપસને Organism 46-B આપવામાં આવ્યું નામ
એક્સપ્રેસ ડોટ કો ડોટ યુકેના સમાચાર મુજબ, રશિયન વૈજ્ઞાનિક ડોક્ટર એન્ટન પાદાલકાએ દાવો કર્યો હતો કે તે આર્કટિક મિશનનો ભાગ રહ્યાં હતાં. જેના દ્વારા જ વિશાળ સમુદ્ર જીવોની શોધ કરવામાં આવી હતી. તેમણે એ પણ જણાવ્યું કે આ જીવનું નામ Organism 46-B નામ રાખવામાં આવ્યું હતું. તેમણે દાવો કર્યો હતો કે રશિયા વોસ્તોક તળાવમાં આ સમુદ્ર જીવોની સંપૂર્ણ સ્ક્વોડ બનાવી રહ્યું છે.

આર્કટિકના તળાવમાંથી મળ્યો સમુદ્રી હત્યારો
ડોક્ટર એન્ટન પડાલ્કાએ જણાવ્યું કે આ વિશાળ ઓક્ટોપસ આર્કટિકમાં બે માઇલ જાડા બરફની નીચે રહેલા તાજા પાણીના તળાવમાંથી મળી આવ્યો હતો. જેની પાસે ઝેરી લાંબા હથિયાર (પગ) છે. જેના કારણે બે રશિયન વૈજ્ઞાનિકોના પણ મોત થયા હતાં. પહેલા દિવસે તો આ વિશાળ ઓક્ટોપસે અમારા રેડિયોને નુકસાન પહોંચાડ્યું, જેના પછી અમે એલાર્મની મદદ લીધી હતી.

150 ફૂટ દૂરથી જ દુશ્મનને મારી શકે છે ઓક્ટોપસ
રશિયન વૈજ્ઞાનિકે દાવો કર્યો હતો કે ઓક્ટોપસ 150 ફૂટના અંતરેથી ઝેરને પાણીમાં ફેંકીને તેના શિકારને મારવામાં સક્ષમ છે. દુઃખની વાત એ છે કે ઓક્ટોપસને ટ્રેન્ડ કરતા સમયે મારા સાથી અને મિત્ર તેના ઝેર દ્વારા માર્યા ગયા હતા. જે પછી તેણે તેના વિશાળકાય પંજા દ્વારા તેમના શરીરના મોટાભાગના અંગો ગળી ગયો હતો.

અમેરિકન કિલર ડોલ્ફિનની ટક્કર લેશે રશિયન ઓક્ટોપસ
અમેરિકન નેવી છેલ્લા ઘણા દાયકાઓથી જાસૂસી ડોલ્ફિન્સને તાલીમ આપી રહી છે. આ ડોલ્ફિન માછલી સેન્સરથી સજ્જ હોય છે જે દરિયામાં વિસ્ફોટકો અને કેટલીકવાર સબમરીન શોધી કાઢે છે. શીત યુદ્ધના સમયમાં આ ડોલ્ફિન માછલીઓને રશિયન સબમરીને ફરીથી શોધી કાઢવાની તાલીમ આપવામાં આવી હતી. 2016ના રિપોર્ટ મુજબ, અમેરિકા દુશ્મનની સબમરીન પર હુમલો કરવા માટે કિલર શાર્ક માછલીઓને પણ તાલીમ આપી રહ્યું છે.

પહેલાથી જ સમુદ્રી જીવોનો ઉપયોગ કરે છે રશિયા
ભૂતકાળમાં પણ રશિયાએ દરિયાઇ જીવો દ્વારા ઘણા ઓપરેશન હાથ ધર્યા છે. શીત યુદ્ધ દરમિયાન રશિયા ડોલ્ફીનનો ઉપયોગ સબમરીન, ફ્લેગ માઇન્સ તેમજ વહાણોની જાળવણી માટે ડોલ્ફિનનો ઉપયોગ કરતું હતું. સેટેલાઇટની લેટેસ્ટ તસવીરોમાંથી ખબર પડે છે કે રશિયાએ ગૃહ યુદ્ધ સામે ઝઝૂમી રહેલા સીરિયામાં તેની સબમરીન સાથે ટ્રેઈન્ડ ડોલ્ફિન માછલીઓ પણ ગોઠવી છે.