અમેરિકાએ ઉડાવી રશિયન કોરોના વેક્સીનની મજાક, કહ્યું- વાંદરાઓ પર પણ નહીં કરીએ ટેસ્ટ

સીએનએનના એક અહેવાલ પ્રમાણે વ્હાઈટ હાઉસની પ્રેસ સેક્રેટરી કાયલે મેકનીએ ગુરૂવારે કહ્યું છે કે રાષ્ટ્ર પ્રમુખ ડોનાલ્ડ ટ્રમ્પને રશિયન વેક્સીન અંગે જાણકારી આપવામાં આવી છે. તેમણે કહ્યું છે કે અમેરિકન વેક્સીનના ત્રીજા રાઉન્ડના કઠોર ટેસ્ટિંગ અને ઉચ્ચ માપદંડોમાંથી પસાર થવું પડે છે. જ્યારે રશિયન અધિકારીઓએ કહ્યું છે કે રશિયા કોરોના વાયરસ વેક્સીન સાથે જોડાયેલી જાણકારી અમેરિકા સાથે શેર કરવા માટે તૈયાર છે.

રશિયાએ તે પણ કહ્યું છે કે તે અમેરિકન દવા કંપનીઓને અમેરિકામાં જ રશિયન વેક્સીન બનાવવાની પણ મંજૂરી આપવા માટે તૈયાર છે. રશિયાએ તે પણ દાવો કર્યો છે કે કેટલીક અમેરિકન દવા કંપીઓ રશિયન વેક્સીન અંગે જાણકારી મેળવવામાં રસ દાખવી રહી છે. જોકે તેણે કંપનીઓના નામનો ખુલાસો કર્યો નથી. એક રશિયન અધિકારીએ જણાવ્યું છે કે અમેરિકાના લોકના જીવન બચાવવા માટે રશિયન વેક્સીનને મળેવવા માટે ગંભીરતાથી વિચાર કરવો જોઈએ.

રશિયાના એક ટોચના અધિકારીએ અમેરિકા પર નિશાન તાકતા કહ્યું છે કે જો અમારી વેક્સીન કોરોના વાયરસ વિરુદ્ધ અસરકારક રહેશે તો સવાલ પૂછવામાં આવશે કે અમેરિકાએ આ વિકલ્પ મેળવવા માટે ગંભીરતાથી પ્રયાસ કેમ નથી કર્યા. વેક્સીન મેળવવામાં રાજકારણ કેમ પ્રબળ બન્યું. રશિયન રાષ્ટ્ર પ્રમુખ વ્લાદિમીર પુતિને 11 ઓગસ્ટે દાવો કર્યો હતો કે રશિયાએ વિશ્વની પ્રથમ કોરોના વાયરસ વેક્સીન બનાવી લીધી છે. જોકે, અમેરિકા અને જર્મની સહિત ઘણા દેશોએ રશિયના આ દાવા સામે સવાલ ઉઠાવ્યા છે.

રશિયન ન્યૂઝ એજન્સીના જણાવ્યા પ્રમાણે મોસ્કોના ગામલેયા રિસર્ચ સેન્ટર ફોર એપિડેમિયોલોજી એન્ડ માઈક્રોબાયોલોજીના ડાયરેક્ટર અને રશિયન હેલ્થકેર મંત્રાલયના એલેક્ઝાન્ડર ગિન્ટ્સબર્ગે કહ્યું છે કે આ વેક્સીનની અસર એક નહીં પરંતુ બે વર્ષ સુધી રહેશે. અગાઉ રશિયન સ્વાસ્થ્ય મંત્રાલયએ આ વેક્સીન બે વર્ષ સુધી અસરકારક રહેશે તેવો દાવો કર્યો હતો.