પરમાણુ બોંબથી પણ ખતરનાક છે રશિયાનું આ હથિયાર, અમેરિકાની ડિફેન્સ સિસ્ટમ પણ નહીં પકડી શકે

મોસ્કો: અમેરિકાની પાસે દુનિયાની સૌથી વધુ મજબૂત એર ડિફેન્સ સિસ્ટમ છે, પરંતુ એક હથિયાર એવું છે, જેને આ સિસ્ટમ પણ ઈન્ટરસે્પટ કરી શકે તેમ નથી. રશિયા પાસે છે Avangard હાઈપરસોનિક ગ્લાઈડ વ્હીકલ. દેશના પહેલા સ્ટ્રેટેજિક મિસાઈલ ફોર્સ રેજિમેન્ટમાં પરમાણુ ક્ષમતાવાળા આ વ્હીકલની સાથે મોટી સંખ્યામાં સામેલ થયા છે.

ચીનના ન્યૂઝ આઉટલેટ Sina મુજબ, આ વ્હીકલની સ્ટ્રાઈક સ્પીડ અને ઈન્ટરસેપ્શનથી બચવાની તાકાત તેને પરમાણુ બોંબથી પણ વધારે ખતરનાક બનાવે છે. Sina મુજબ Avangard દ્વારા રશિયા અમેરિકાને એ સંદેશ આપવા ઈચ્છે છે કે, રશિયાની મિસાઈલોની સામે અમેરિકાની એર ડિફેન્સ કોઈ કામનું નથી.

ગત વર્ષે કરાઈ હતી સામેલ
ગત વર્ષે જ રશિયાના સંરક્ષણ મંત્રી સર્જેઈ શોઈગૂએ એ વાતની પુષ્ટી કરી હતી કે, તેને ફોર્સમાં સામેલ કરાઈ છે. રશિયાની સ્ટ્રેટેજિક મિસાઈલ ફોર્સન કમાન્ડર કર્નલ જનરલ સર્જેઈ કારાકીવએ કહ્યું હતું કે, Avangardને યાસનેન્સ્કી મિસાઈલ કમ્પાઉન્ડમાં મોસ્કોથી 1,200 કિમી દૂર તૈનાત કરાયા છે.

તો, કેટલાક દિવસો પહેલા જ ધ વોશિંગ્ટન પોસ્ટમાં છપાયેલા જર્નલિસ્ટ બોબ વુડવર્ડના પુસ્તકના અંશમાં એ જાણવા મળ્યું હતું કે, અમેરિકાના પ્રેસિડન્ટ ડોનાલ્ડ ટ્રમ્પે એક એવી પરમાણુ સિસ્ટમ બનાવાઈ હોવાનો દાવો કર્યો હતો, જે દેશમાં પહેલા ક્યારેય નથી જોવા મળી. તેમણે કહ્યું હતું કે, રશિયાના પ્રેસિડન્ટ વ્લાદિમીર અને ચીનના પ્રેસિડન્ટ શી જિનપિંગએ એવું આવું પહેલા ક્યારેય સાંભળ્યું નહીં હોય.

હાઈપરસોનિક મિસાઈલની ખાસિયતોહાઈપરસોનિક મિસાઈલની ગતિ ઘણી વધુ હોય ચે. તેની ગતિનો અંદાજ એ વાતથી લગાવી શકાય છે કે તે અવાજની ઝડપ કરતા 27 ગણી વધુ ઝડપે ઉડી શકે છે. એટલે કે, હાઈપરસોનિક મિસાઈલની ઝડપ 33340 કિમી પ્રતિ કલાક (હવાની ઝડપ 1235 કિમી પ્રતિ કલાક હોય છે તેના કરતા 27 ગણી વધારે) હોય છે. હાઈપર સોનિક મિસાઈલ ક્રૂઝ અને બેલિસ્ટિક મિસાઈલ બંને ફીચર્સથી લેસ હોય છે. આ મિસાઈલ લોન્ચ થયા બાદ પૃથ્વીની કક્ષાની બહાર જતી રહી છે, તે પછી તે જમીન કે હવામાં રહેલા ટાર્ગેટને પોતાનું નિશાન બનાવે છે. એક વખત લોન્ચ થયા બદા આ મિસાઈલને રોકવી ઘણી મુશ્કેલ હોય છે. તેની ઝડપી ગતિના કારણે રડાર પણ તેને પકડી શકતી નથું. એટલે તે કોઈપણ ટાર્ગેટને સરળતાથી હિટ કરી શકે છે.