મોડેલિંગની પણ ઓફર આવી હતી
ટ્રાન્સપરન્ટ પીપીઈ કિટ પહેરીને ચર્ચામાં આવેલી નાદિયાને એક રશિયન સ્પોર્ટ્સ બ્રાન્ડ તરફથી મોડલિંગની ઓફર આવી છે. જોકે, હાલમાં તેણે સમય નથી તેમ કહીને આ ઓફરને ઠુકરાવી દીધી છે. નાદિયા નર્સ તરીકે પણ કામ કરતી રહેશે કેમ કે તે ડોક્ટર બનવાની ટ્રેનિંગ પણ લઈ રહી છે.
ન્યૂઝ એન્કર બનીને ખુશ છે નાદિયા
ન્યૂઝ એન્કર તરીકે પોતાની ભૂમિકાને લઈને નાદિયાએ કહ્યું છે કે તે આને માટે ઘણી ઉત્સાહિત છે. તેણે ન્યૂઝ ચેનલનો આભાર પણ માન્યો છે અને કહ્યું છે કે તે આ તકનો ભરપૂર ફાયદો ઉઠાવશે. નોંધનીય છે કે મે મહિનામાં રશિયાના કોરોના વોર્ડમાં ટ્રાન્સપરન્ટ પીપીઈ કિટ પહેર્યા બાદ તેની નોકરી સામે જોખમ ઊભું થયું હતું. સોશિયલ મીડિયામાં પણ તેની ઘણી ચર્ચા થઈ હતી.
પીપીઈ કિટ અંગે આપી હતી આવી સ્પષ્ટતા
નાદિયાએ ટ્રાન્સપરન્ટ પીપીઈ કિટ મામલે પોતાની સ્પષ્ટતામાં હોસ્પિટલ વહિવટી તંત્રને કહ્યું હતું કે તેને તે વાતનો ખ્યાલ ન હતો કે તેણે જે પીપીઈ કિટ પહેરી છે તે વધારે ટાન્સપરન્ટ છે. તેને આ વાતની જાણ ત્યારે થઈ હતી જ્યારે તે બીજા દિવસે હોસ્પિટલમાં ડ્યુટી માટે ગઈ હતી.
નાદિયાના સમર્થનમાં આવ્યા હતા ડોક્ટર્સ અને નેતા
જ્યારે નાદિયાના ડ્રેસ કોડને લઈને રશિયાના સ્થાનિક સ્વાસ્થ્ય મંત્રાલયે શિસ્તભંગના પગલા ભરવાનું શરૂ કર્યું ત્યારે તેના સમર્થનમાં હોસ્પિટલના ડોક્ટર્સ, અન્ય સહકર્મીઓ અને રાજનેતા પણ આગળ આવ્યા હતા. તેમણે આરોપ લગાવતા માંગ કરી હતી કે કોરોના વોર્ડમાં કરનારા લોકોને યોગ્ય પીપીઈ કિટ આપવી જોઈએ. તેમણે કહ્યું હતું કે જે પીપીઈ કિટ આપવામાં આવી હતી તે ઘણી પાતળી હતી જેનાથી સ્વાસ્થ્યકર્મીઓને નુકસાન પહોંચી શકે છે.