વૈજ્ઞાનિકોએ મળી બીજી એક પૃથ્વી, તો શું અહીંથી જ આવે છે એલિયન?

લંડનઃ ઘણા લાંબા સમયથી વૈજ્ઞાનિકો એ શોધવામાં લાગ્યા છે કે શું પૃથ્વી જેવો બીજો કોઈ ગ્રહ પણ છે જ્યાં જીવન છે. પહેલીવાર વૈજ્ઞાનિકોએ એક એવા ગ્રહની ઓળખ કરી છે જેની આસપાસ પ્રચૂર માત્રામં પાણી હોઈ શકે છે. જો પાણી છે તો જીવની આશા છે. વૈજ્ઞાનિકોનું કહેવું છે કે આપણા સૂર્ય મંડળથી બહાર આવેલ આ ગ્રહના વાતાવરણમાં પણી છે અને તે પૃથ્વીથી ખૂબ જ મળતો આવે છે. આ ગ્રહ પૃથ્વીથી 100 પ્રકાશવર્ષ દૂર છે. તેમજ સૂર્યની જેમ જ એક ડ્વાફ તારાની ફરતે પરીભ્રમણ કરી રહ્યો છે. પૃથ્વીની તુલનામાં આ ગ્રહનો ભાર આઠ ગણો વધારે હોઈ શકે છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:અત્યાર સુધી જેટલા ગ્રહોની શોધ થઈ છે તે કાં તો ગેસથી બનેલા છે જ્યાં જીવનની શક્યતા જ નથી. તો કેટલાક ગ્રહ પથ્થરોનો બનેલા છે અને તેનું કોઈ વાયુમંડળ નથી. જો કોઈ ગ્રહ પૃથ્વી જેવો મળી પણ આવે તો તેનું પોતાના તારાથી અંતર એટલું હોય છે કે ત્યાં પાણી ફક્ત વરાળરુપે હોય અથવા બરફ રુપે હોય. પરંતુ K2-18b નામના આ ગ્રહ પાસે પૃથ્વીની જેમ જીવન લાયક તમામ સ્થિતિઓ છે. તે પોતાના તારાથી ન બહુ નજદીક છે ન બહુ દૂર, તેમજ તેને વાયુમંડળ પણ છે.અત્યાર સુધી શોધાયેલા 400 ગ્રહો પૈકી પહેલો એવો ગ્રહ છે જેના સપાટી નક્કર માટી અને પથ્થરોની બનેલી છે અને તેને વાયુમંડળ પણ છે જેમાં પાણીની શક્યતા ખૂબ વધારે છે. યૂનિવર્સિટી કોલેજ લંડનના વૈજ્ઞાનિક જિયોવાના ટિનેટીએ કહ્યું કે, આપણા સૂર્ય મંડળની બહાર એક એવો ગ્રહ છે જેના પર રહેવા માટે અનુકૂળ પરિસ્થિતિ છે. જોકે હાલ કહી શકાય તેમ નથી કે આ ગ્રહ પર દરિયો છે કે નહીં પરંતુ તેની શક્યતા છે.આ અભ્યાસ લેખના મુખ્ય લેખક અને સંશોધકે કહ્યું કે, ‘હાલ આપણે આટલા દૂર સુધી જઈ શકતા નથી ત્યારે આ ગ્રહ એક ફિક્શન સમાન છે.’ સૂર્યથી આપણા સુધી પ્રકાશ આવવામાં 8 મિનિટ લાગે છે. ત્યારે આ ગ્રહ 100 પ્રકાશ વર્ષ દૂર છે. એટલે કે પ્રકાશની ઝડપે પ્રવાસ કરીએ તો પણ આ ગ્રહ સુધી પહોંચવામાં 100 વર્ષ લાગે. જેની ટેક્નોલોજી હાલ આપણી પાસે નથી. ત્યારે આપણી પાસે નજીકના ભવિષ્ય માટે આપણી એક જ પૃથ્વી છે જેને આપણે વધુ સુંદર અને રહેવા લાયક બનાવવી જોઈએ.જોકે આ ગ્રહ પર પૃથ્વી કરતા વધારે રેડિએશન હોવાનું પ્રાથમિક સંશોધનમાં સામે આવ્યાનું વૈજ્ઞાનિકોનું કહેવું છે જેથી જીવન પર તેની અસર પડી શકે છે. વૈજ્ઞાનિકોનું માનવું છે કે હાલ તો બ્રહ્માંડમાં પૃથ્વી એક જ એવો ગ્રહ છે જ્યાં જીવન શક્ય છે.