કોરોના માટે મળી અસરકારક દવા, હવે દર્દીઓના જીવ બચાવવામાં મળશે મદદ

જર્નલ સાયન્સ એડવાન્સિસમાં પ્રકાશિત આ સ્ટડીમાં કોરોના વાયરસના મુખ્ય પ્રોટીન એમ્પ્રોની તપાસ કરવામાં આવી. એમ્પ્રો કોરોના વાયરસના જીવન ચક્રમાં મહત્વપૂર્ણ ભૂમિકા ભજવે છે. સંશોધકોના જણાવ્યા પ્રમાણે અમેરિકામાં શિકાગો યુનિવર્સિટીના વૈજ્ઞાનિકોની શોધમાં ખબર પડી છે કે એમ્પ્રો કોરોના વાયરસના જિનેટિક મટિરિયલથી પ્રોટિન બનાવવાની ક્ષમતાને સુવિધાજનક બનાવે છે. જેનાથી કોરોના વાયરસ યજમાન સેલમાં પોતાની પ્રતિકૃતિ નિર્માણ કરે છે.

વૈજ્ઞાનિકોએ મોડલિંગ જૈવિક અણુઓમાં પોતાના અનુભવનો ઉપયોગ કરીને વાયરસ વિરુદ્ધ સંભવિત ઉપાય તરીકે તેની તપાસ કરી છે. જેમાં જાણવા મળ્યું છે કે એબ્સેલેન નામની દવા એમ્પ્રો વિરુદ્ધ અસરકારક રીતે કામ કરી રહી છે. આ દવામાં એન્ટી વાયરલ, એન્ટી ઈમ્ફ્લેમેટરી, એન્ટી-ઓક્સિડેટિવ, જીવાણુનાશક અને સેલ-સુરક્ષાત્મક ગુણ હોય છે.

સંશોધકોના જણાવ્યા પ્રમાણે એબ્સેલેનનો ઉપયોગ ઘણી બીમારીઓની સારવાર માટે કરવામાં આવે છે. આ દવાને ખાસ કરીને બાયપોલર ડિસઓર્ડર અને સંભળાતુ ન હોય તેના પર પ્રયોગ કરવામાં આવે છે. તેમણે કહ્યું છે કે આ દવાના ઘણા ક્લિનિકલ ટ્રાયલે મનુષ્યોમાં ઉપયોગ માટે તેને સુરક્ષિત સાબિત કરી છે.

વર્તમાનમાં ઘણા દેશ કોરોનાની સારવાર માટે રેમેડિસિવિર દવાનો ઉપયોગ કરી રહ્યા છે. આ એક એન્ટી વાયરલ દવા છે જે ઈબોલાની સારવાર માટે બનાવવામાં આવી હતી. પરંતુ તે સમયે તે દવાએ કામ કર્યું ન હતું. હવે આ દવા કોરોનાના દર્દીઓ પર અસરકારક રહી છે. આ દવા કોરોનાના દર્દીઓના મૃત્યુ દરને 30થી 60 ટકા સુધી ઓછો કરે છે. આ ઉપરાંત બ્લડ પ્લાઝમાની સારવાર છે. આ સારવારને પણ સુરક્ષિત માનવામાં આવી છે પરંતુ તે કેટલી સારી રીતે કામ કરે છે તેની તપાસ ચાલી રહી છે. સસ્તી સ્ટિરોઈડ ડેક્સામેથાસોનને પણ બ્રિટનમાં કોરોનાની સારવારમાં અસરકારક માનવામાં આવી છે. આ દવાનો અમેરિકા, બ્રિટન સહિત દુનિયાના ઘણા દેશોમાં ઉપયોગ થઈ રહ્યો છે. જોકે, આ દવાની અસરને લઈને પણ હજી સંશોધન ચાલું છે.