આ દેશના રાષ્ટ્રપ્રમુખે માસ્ક વગર બિચ પર સેલ્ફી ખેંચાવી, 2.5 લાખનો દંડ થયો

સેન્ટિયાગોઃ આખી દુનિયામાં કોરોના વાયરસ સામે લડવા માટે રસી પર નજર રાખવામાં આવી રહી છે પરંતુ આજે પણ સોશિયલ ડિસ્ટન્સિંગ અને માસ્ક સૌથી મહત્વના માનવામાં આવી રહ્યા છે. આવામાં દક્ષિણ અમેરિકાના દેશ ચિલીના રાષ્ટ્રપ્રમુખને સાર્વજનિક સ્થળ પર માસ્ક વગર સેલ્ફી લેવી ભારે પડી ગઈ. આ કામ બદલ તેમને દોઢ લાખ રુપિયાનો દંડ ફટકારવામાં આવ્યો છે.

મહિલા સાથે માસ્ક વગર સેલ્ફી લીધી

BBCના રિપોર્ટ્સ મુજબ ચિલીના રાષ્ટ્રપર્મુખ સેલેસ્ટિયન પિયનેરાએ એક મહિલા સાથે ફેસ માસ્ક વગર સેલ્ફી લીધી હતી. તસવીર વાયરલ થયા પર કોરોના વાયરસના નિયમોને તોડવાના આરોપમાં 3,500 ડૉલર (2,57,624 રુપિયા)નો દંડ ફટકારવામાં આવ્યો. પછી રાષ્ટ્રપ્રમુખ પિયનેરાએ આ તસવીરને લઈને સાર્વજનિક રીતે માફી માગી લીધી.

રાષ્ટ્રપ્રમુખે પોતાની ભૂલ સ્વીકારી

ચિલીના રાષ્ટ્રપ્રમુખે સ્વીકાર્યું કે, તેમણે કોરોના વાયરસના નિયમોનો ભંગ કર્યો છે. તેમણે કહ્યું કે કાચાગુઆમાં પોતાના ઘર પાસે બીચ પર ફરતા હતા ત્યારે એક મહિલાએ તેમને વિનંતી કરી ત્યારે તેમણે માસ્ક લગાવવા જેવું હતું. જણાવી દઈએ કે ચિલીના સાર્વજનિક રીતે માસ્ક પહેરવાના કડક નિયમ છે. ચિલિમાં ફેસ માસ્ક ના પહેરવું દંડનીય ગુનો છે.

ચિલીના કાયદામાં આ નિયમ તોડનારાઓ પર ભારે ગુનો લાગે છે, સાથે જ તેમને જેલમાં મોકલવાની જોગવાઈ છે. ચિલામાં કોરોના વાયરસના કેસ ઝડપથી વધી રહ્યા છે. આખા દક્ષિણ અમેરિકાના મહાદ્વીપમાં સૌથી વધુ કેસ ચિલીમાં છે. અમેરિકામાં જોન હોપકિન્સ યુનિવર્સિટીના આંકડા પ્રમાણે ચિલીમાં અત્યાર સુધીમાં 5,81,135 સંક્રમણ અને 16,051 લોકોના મોત થઈ ગયા છે.

અગાઉ પર તસવીરને લઈને વિવાદમાં રહ્યા છે ચિલીના રાષ્ટ્રપ્રમુખ

ચિલીના રાષ્ટ્રપ્રમુખ આ પહેલા પણ પોતાની તસવીરના કારણે લોકોના ગુસ્સાનો શિકાર બન્યા હતા. પાછલા વર્ષે તેમણે રાજધાની સેન્ટિયાગોમાં અસમાનતાને લઈને આંદોલન કરી રહેલા પ્રદર્શનકારીઓ સાથે પિઝા પાર્ટી કરી હતી. આ તસવીરો વાયરલ થયા બાદ તેમણે લોકોના ગુસ્સોનો ભોગ બનવું પડ્યું હતું. જ્યારે તે પહેલા એપ્રિલમાં રાષ્ટ્રપ્રમુખે કોરોના વાયરસના કારણે લાગુ કરેલા લોકડાઉન દરમિયાન વિરોધી પ્રદર્શનોના કેન્દ્ર રહેલા પ્લાઝામાં તસવીર ખેંચાવીને વિવાદમાં આવ્યા હતા.