Coronavirus: સાપથી માણસોમાં ફેલાયો આ જીવલેણ વાયરસ, ચીનમાં ઈમર્જન્સી લાગુ

ચીનના વુહાન પ્રાંતથી શરુ થયેલા કોરોનાવાયરસના જીવલેણ ફેલવામાં અત્યાર સુધીમાં 17 લોકોના મોત થઈ ચૂક્યા છે. એકલા ચીનમાં જ 22 જાન્યુઆરી સુધીમાં કોરોનાવાયરસથી સંક્રમિત 500 લોકો સામે આવ્યા છે. જે તમામ તાવ, શ્વાસ લેવામાં મુશ્કેલી અને ન્યુમોનિયા તાવથી ગ્રસીત છે. તેવામાં એક નવો ખુલાસો સામે આવ્યો છે કે આ વાયસર સાપ દ્વારા માણસોમાં ફેલાયો છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ચીનના તમામ 555 સંક્રમિત લોકો પૈકી 444 વ્યક્તિઓ એકલા વુહાન પ્રાંતમાંથી છે. જ્યારે 26 કેસ ગુઆંગડોંગ અને 14 બીજિંગ અને 9 શંઘાઈમાંથી નોંધાયા છે. આંતરરાષ્ટ્રિય સ્તરે આ વાયરસે થાઈલેન્ડ, જાપાન, દક્ષિણ કોરિયા અને અમેરિકામાં પણ સંક્રમણ ફેલાવ્યું છે. હવે ચીનના એક વૈજ્ઞાનિકે દાવો કર્યો છે કે આ વાયરસ સાપના કારણે લોકોમાં ફેલાયો છે. આવું થવા પાછળનું કારણ તેમણે એમ જણાવ્યું કે ચીનમાં સાપને ખાવાની પરંપરા છે. ચીનના વુહાનમાં એવા બજારો આવેલા છે જ્યાં સાપ, ચામાચીડિયા, વિવિધ પક્ષીઓ, સસલાનું માંસ વેચાય છે. ચામાચીડિયામાં રહેલા SARS(Severe acute respiratory syndrome)નો વાયરસ સાપના શરીરમાં જઈને કોરોનાવાયરસ બની જાય છે. જેનો ઈલાજ આધુનિક સાયન્સ પાસે પણ નથી. આ ખુલાસો ચીનની પેકિંગ યુનિવર્સિટીમાં કોરોના વાયરસ પર અભ્યાસ કરી રહેલા વૈજ્ઞાનિક વી જીએ કર્યો છે. તેમનું કહેવું છે કે ચામાચીડિયામાંથી સાપમાં આવ્યા બાદ આ વાયરસે પોતાના જીનોમમાં ફેરફાર કર્યા છે. જે બાદ વધુ ખતરનાક બની ગયો છે. વી જીએ જુદા જુદા જીવજંતુઓમાંથી કુલ 217 વાયરસના સેમ્પલ લીધા હતા. જેમાં ચામાચીડિયામાં રહેલા વાયસર સાપમાં રહેલા કોરોનાવાયરસથી મળતા આવે છે. તેમના દાવાનું સમર્થન કરતા પેંસિલવેનિયા સ્થિત પિટ્સબર્ગ યુનિવર્સિટીના પ્રોફેસર હાઈતાઓ ગુઓએ કહ્યું કે, આ ખુલાસો ખૂબ જ આશ્ચર્યજનક છે. ચામાચીડિયા અને સાપમાં મળી આવતા વાયરસે ભેગા મળીને એક નવો જ વાયસર તૈયાર કર્યો છે. વાયસરનું આ રીતે એકબીજા સાથે મળી જવું માનવ ભવિષ્ય માટે ખૂબ જ ખતરનાક છે.